قاراعاندىدا بولعان توبەلەس ۇلتارالىق قاقتىعىستان ەمەس، تۇرمىستىق نەگىزدە تۋىنداعان. بۇل تۋرالى وكق-دە وتكەن بريفينگتە ق ر ىشكى ىستەر ءمينيسترىنىڭ ءبىرىنشى ورىنباسارى جانات سۇلەيمەنوۆ مالىمدەدى دەپ حابارلايدى Qamshy.kz اقپارات اگەنتتىگى baq.kz-كە سىلتەمە جاساي وتىرىپ.

«تەرگەۋ بارىسىندا توبەلەس تۇرمىس نەگىزدە تۋىنداعانى انىقتالدى. سەبەبى، توبەلەس ۇلتارالىق جانجالدان ەمەس، تۇرمىستىق نەگىزدە تۋىنداعان. توبەلەس جاڭا جىلدى قارسى الۋ كەزىندە مەيرامحانادا بولعان»، - دەدى ىشكى ىستەر ءمينيسترىنىڭ ءبىرىنشى ورىنباسارى.

وسىعان دەيىن قاراعاندىداعى «دريەۆنيي ريم» مەيرامحاناسىندا 1-قاڭتاردا توبەلەستەن ەر ادامنىڭ قازا تاپقانى تۋرالى حابار تاراعان. 

وڭىردەگى پوليسيا وكىلدەرىنىڭ مالىمەتىنشە، 1 قاڭتاردا قالاداعى مەيرامحانالاردىڭ بىرىندە زورلىق بەلگىلەرى بار 23 جاستاعى جىگىتتىڭ دەنەسى تابىلعان. وسى ۋاقىتتا ءارتۇرلى دەنە جاراقاتىن العان ءۇش جىگىت (24-27 جاس ارالىعىنداعى جىگىتتەر) مەديسينالىق مەكەمەنىڭ كومەگىنە جۇگىنگەن.