قاراعاندىداعى كىسى ولىمىنە كۇدىكتى دەپ تانىلعان نارەك گۋرۋريان ۇستالدى. بۇل تۋرالى ىشكى ىستەر مينيسترلىگى، ىشكى جانە سىرتقى كوممۋنيكاسيالار دەپارتامەنتىنىڭ ديرەكتورى الماس سادۋبايەۆ مالىمدەدى دەپ حابارلايدى Qamshy.kz اقپارات اگەنتتىگى 24.kz-كە سىلتەمە جاساي وتىرىپ.
21 جاستاعى ارمەنيا ازاماتى رەسەي اۋماعىندا قولعا ءتۇستى. ەندى ونى قازاقستانعا جەتكىزۋ ماسەلەسى شەشىلىپ جاتىر.
الماس سادۋبايەۆ، ق ر ءىىم ىشكى جانە سىرتقى كوممۋنيكاسيالار دەپارتامەنتىنىڭ ديرەكتورى: "بۇگىن ق ر ءىىم كريمينالدىق پوليسيا قىزمەتكەرلەرى رەسەي قۇقىق قورعاۋ ورگاندارىمەن بىرلەسىپ، رف-نىڭ ومبى وبلىسىنىڭ اۋماعىندا وسى جىلدىڭ 1 قاڭتارىنا قاراعان ءتۇنى قاراعاندىدا بۇزاقىلىق ارەكەت جاساپ، كىسى ولىمىنە قاتىسى بار دەگەن كۇدىكپەن ارمەنيا رەسپۋبليكاسىنىڭ ازاماتى نارەك گۋرۋرياندى ۇستادى. قازىرگى ۋاقىتتا زاڭناماعا سايكەس ونى قازاقستان اۋماعىنا جەتكىزۋ ماسەلەسى شەشىلىپ جاتىر".
