"Caravan.kzء-تىڭ" كوررەسپوندەنتى نيكيتا دانيلين  قاراعاندى ءىىم اكادەمياسىنىڭ سۋ جاڭا باسشىسى اقىنقالي دارمەنوۆتىڭ جاسىرارى بار ما دەگەن سۇراق قويىپ، ماتەريال جازىپتى. پۋشكيننىڭ تىلىندە جازىلعان دارمەنوۆ تۋرالى سىردى مەملەكەتتىك تىلىمىزگە اۋدارىپ، قالىڭ وقىرمان نازارىنا ۇسىنامىز.

قاراعاندىداعى پوليسەيلەردىڭ جاڭا جىلدىڭ قارساڭىنداعى وزدەرىن «براتۆامىز» دەپ جار سالىپ، ەلدى شۋلاتقانىنان كەيىن اكادەميانىڭ باسشىلىعى بىردەن اۋىستى. ۆيدەونىڭ باس كەيىپكەرى، قاراعاندى اكادەمياسىنىڭ ءبىرىنشى كۋرس باسشىسىنىڭ ورىنباسارى تاستايبەكوۆتىڭ ورنىنا اقىنقالي دارمەنوۆ كەلدى. قىرىقتىڭ قىرقاسىنا كەلگەن پولكوۆنيك تۋرالى اقپارات از.

قاراعاندى اكادەمياسىنىڭ توڭىرەگىندەگى شۋ باسىلدى. ءوز لوگيكالىق شەشىمىن تاپتى دەسەك بولادى. قىزمەتتەن قۋىلعان تاستايبەكوۆ ەندىگارى قۇقىق قورعاۋ ورگانىنىڭ ماڭايىنا دا جولاي المايدى.

♦قاراعاندى ءىىم اكادەمياسىنىڭ باسشىسى جۇمىستان قۋىلدى

سونىمەن قاتار اتالمىش اكادەميانىڭ باستىعى جان كەنجەتايەۆ تا ءوز ەركىمەن جۇمىستان كەتىپتى. سەبەبى قارتايىپ قالىپتى.

ونىڭ ورنىنا كەلگەن اقىنقالي دارمەنوۆ ۇزدىك ەۋروپالىق مەكەمەلەردە ءبىلىم العان، قىزمەت جولىن قاراپايىم تەرگەۋشىدەن باستاعان پوليسيا پولكوۆنيگى.

بۇگىندە دارمەنوۆكە ءۇمىت ارتىپ وتىرعاندار از ەمەس. الايدا اقىنقالي سۇتتەن اق، سۋدان تازا ما؟

5 215 تەڭگە 86 تيىن دەگەن كوپ اقشا ەمەس. دەگەنمەن قارىزدىڭ اتى قارىز.

ق ر جوعارعى سوتىنىڭ سوت اكتىلەرىنىڭ بازاسىن تەكسەرسەك، دارمەنوۆتىڭ اتىنا سوتقا شاعىم تۇسىرىلگەنىنە كوز جەتكىزە الامىز.

اكادەميانىڭ باستىعى بولعانعا دەيىن اقىنقالي دارمەنوۆ قاراعاندى وبلىسىنىڭ ءىىب وقۋ ورتالىعىنىڭ باسشىسى بولعاندىعى بىزگە ءمالىم. بۇل ورتالىق كەيىننەن تەمىرتاۋ قالاسىنىڭ ءىىب وقۋ ورتالىعىنا اينالادى. سونىمەن قاتار مكك (مەملەكەتتىك كىرىس كوميتەتى –رەد.) بازاسىنا زەر سالساق، «اقىنقالي ءداۋىتباي ۇلى دارمەنوۆ» دەگەن اتى-جونمەن ءبىراق ادام عانا بار.

سول سەبەپتى قاراعاندى وبلىسى تەمىرتاۋ قالالىق سوتىندا 2018 جىلدىڭ 1 قازانىندا قاراستىرىلعان شاعىم ءبىزدىڭ دارمەنوۆكە تىكەلەي قاتىستى دەپ ايتۋعا بولادى.

ارىزدانۋشى – «وقجەتپەس-ت» ج ش س. ولاردىڭ باستى تالابى – دارمەنوۆتىڭ كوممۋنالدىق تولەمدەردىڭ قارىزىن تولىقتاي وتەۋى. دەمەك پولكوۆنيك 2016 جىلدىڭ 1 ساۋىرىنەن 2018 جىلدىڭ 1 تامىزىنا دەيىن كوممۋنالدىق تولەمگە اقشا شىعارماعان. كۇلكى كۇنى دەپ قالجىڭداعانى ما، ونىسىن بىلمەدىك. ءبىراق 75 714 تەڭگەگە قارىز بولىپ قالعان.

ناتيجەسىندە تاتيانا گاۆريچەنكوۆا ەسىمدى سوت دارمەنوۆتىڭ قارىزدى تولىق وتەۋىن جانە 1136 تەڭگە كولەمىندەگى مەملەكەتتىك باجدى دا تولەۋىن تالاپ ەتەدى.

پوليسيا پولكوۆنيگى اقىنقالي دارمەنوۆ زاڭ-تارتىپكە باعىنىپ، قىزمەتىن ادال اتقارىپ، شالىس قادام جاسامايدى دەپ ۇمىتتەنەيىك.

اۋدارعان: جازيرا بايدالى