ق ر اقپارات جانە كوممۋنيكاسيا ءمينيسترى داۋرەن ابايەۆ «حابار» تەلەارناسىنداعى «اشىق سۇحبات» باعدارلاماسىنا بەرگەن سۇحباتىندا قاراعاندىداعى وقيعاعا بايلانىستى پىكىر ءبىلدىردى، دەپ جازادى Qamshy.kz اقپارات اگەنتتىگى.

«جۋىردا ماجىلىسمەن نۇرتاي سابيليانوۆ قىلمىستىق ىسكە قاتىسى بار ادامدار ادىلەتتى جولمەن جازالاناتىنىن ايتتى. «زاڭ الدىندا ءبارى بىردەي. الايدا بۇل ىسكە قاتىستى ب ا ق بەتتەرىندە ءتۇرلى ءسوز تارادى. ءبىزدىڭ ماقسات – ساياسي تۇراقتىلىقتى ساقتاۋ جانە قوعامدىق كەلىسىم، ەكونوميكانى دامىتۋدى جالعاستىرۋ، ەگەمەندىكتى بەرىك قالپىندا ساقتاۋ. باق-تا جاريالانىپ جۇرگەن اقپاراتتاردى ءجىتى قاداعالاۋ جانە باقىلاۋدى قولىڭىزعا العان ءجون»، - دەدى دەپۋتات ابايەۆتىڭ نازارىنا.

جاپپاي اقپاراتتىق جۇيەلەردىڭ جاۋاپكەرشىلىگى جونىندە دەپۋتات نارينە ميكاەليان دا ايتتى. «بۇل جاعدايدا باق-تىڭ ءرولى ماڭىزدى ەكەنى ءسوزسىز. سول سەبەپتى اقپارات جانە كوممۋنيكاسيا مينيسترلىگىنەن وسى ماسەلەنى قاداعالاۋىن سۇرايمىز»، - دەدى نارينە دەپۋتاتتىق ساۋال جولداۋ بارىسىندا.

ساۋالدارعا جاۋاپ بەرگەن مينيستر دەپۋتاتتاردىڭ ءسوزىن قوستادى. «راسىندا، ەلىمىزدە بىرلىك پەن كەلىسىمدى ساقتاۋىمىز كەرەك. ۇلتارالىق كەلىسىم – مەملەكەتىمىز ءۇشىن اسا ماڭىزدى. ەگەر وقيعاعا اناليز جاساپ كورەر بولساق، كەرىسىنشە ب ا ق وكىلدەرى بۇل ىسكە اسا جاۋاپكەرشىلىكپەن قاراپ وتىر.

ءبىزدىڭ مونيتورينگ ەشقانداي زاڭ بۇزۋشىلىقتى بايقاعان جوق. ءيا، الەۋمەتتىك جەلىدە ءتۇرلى جاعىمسىز پىكىرلەردىڭ تاراپ جاتقانى راس، دەگەنمەن قۇقىق قورعاۋ ورگاندارى ولاردى قاداعالاپ وتىر. باقىلاۋعا كەلەر بولساق، بۇگىنگى كۇنى ءبارى دەرلىڭ زاڭ بويىنشا جۇزەگە اسىپ وتىر. جالعان اقپاراتتارعا قاتىستى باقىلاۋ كۇشەيتىلگەن، ولاردى تاراتقاندار جاۋاپكەرشىلىككە مىندەتتى تۇردە تارتىلادى»، - دەدى ابايەۆ.

سونىمەن قوسا مينيستر «ءىس نەگە ناسىرعا شاۋىپ كەتتى؟» دەگەن سۇراققا دا جاۋاپ بەردى.

«مۇنى ۇلتارالىق جانجال دەپ اتاۋعا بولمايدى. بۇل بىرنەشە ادام قاتىسقان كۇندەلىكتى جانجال. ەسكەرتە كەتەرلىك ءبىر جايت، جەلتوقساننىڭ سوڭعى جەتى كۇنىندە قازاقستاندا 39 ءولىم مەن 46 زارداپ شەگۋ ارەكەتتەرى بايقالدى. شىن مانىسىندە بۇل قىلمىس الكوگولدىك ىشىمدىكتەردىڭ ءىشىلۋى نەگىزىندە بولعانى اقيقات قوي. قاراعاندىعا بايلانىستى وعان قاتىسقاندار تۇسىنىكتەمە بەردى. جانجال مەيرامحانا اكىمشىلىگى مەن دەمالۋعا بارعاندار اراسىندا ورىن العان. ەكى جاقتا دا ءتۇرلى ۇلتتىڭ ادامدارى بولعان. ۇلتقا نەمەسە دىنگە جابا سالۋ – ءىستىڭ ءمان-جايىن زەرتتەگىسى كەلمەيتىندەر ءۇشىن وڭاي جول»، - دەپ ءتۇسىندىردى داۋرەن ابايەۆ.

سونىمەن قاتار، مينيسترگە بيلىكتىڭ ماسەلەگە قاتىستى ۇنسىزدىگى جايىندا دا سۇراق قويىلدى.

«بۇل قايعىلى جاعداي ءبارىمىز ءۇشىن ۇلكەن ساباق بولدى. حالىقتىڭ اقپاراتتانۋعا قۇقىعى بار، مۇنى جاقسى تۇسىنەمىز.

الايدا ءىستىڭ ناقتى سەبەپتەرىن زەرتتەپ، ناقتى تۇلعالاردى انىقتاۋدىڭ ءوزى ءبىرتالاي ۋاقىتتى الادى. قازىرگى جاعدايدا جانجالعا قاتىسقانداردىڭ سانى وننان استى، ءارقايسىسى ءار ءتۇرلى قالادا جاسىرىنىپ وتىر. كۇدىكتىلەردىڭ كەيبىرى ءتىپتى شەتەلگە شىعىپ كەتكەن. پوليسيا جان-جاقسى ىزدەۋ شارالارىن جاسادى، ءتىپتى رەسەيدەگى ارىپتەستەرىمەن بايلانىس ورناتتى.

وزدەرىڭىزگە بەلگىلى بولعانداي، قاشقىن ۇستالدى. پوليسيا جەدەل قيمىلدادى. راس، اقپارات كەش تارالدى. كەيبىر فاكتىلەردى تەرگەۋ مۇددەسىنە ساي جاريالامادىق، ەڭ باستىسى، ەشكىم زارداپ شەككەن جوق»، - دەپ جاۋاپ بەردى سۇراققا مينيستر.

ەسكە سالا كەتەيىك، 1 قاڭتاردا قاراعاندىداعى «دريەۆنيي ريم» مەيرامحاناسى الدىندا جاپپاي توبەلەس ورىن العانى بەلگىلى. سونىڭ سالدارىنان 23 جاستاعى جىگىت قايتىس بولدى. تاعى ءۇش جىگىت پىشاق جاراقاتىمەن اۋرۋحاناعا جەتكىزىلدى.

9 قاڭتار سارسەنبىدە ادام ولىمىنە كۇدىكتى ارمەنيا ازاماتى نارەك گۋرۋريان ومبىدا ۇستالدى. قازىرگى ۋاقىتتا ونى قازاقستانعا اكەلۋ ماسەلەسى قاراستىرىلىپ جاتىر.

بۇدان بۇرىن جىگىت توبەلەسكە قاتىسقانىمەن، ادام ولتىرۋگە قاتىسى جوق ەكەنىن ايتىپ، ۆيدەو تۇسىرگەن ەدى.