كاسپي بانك ۇيىمداستىرعان اكسيالار تەك رەسمي پاراقشاسىندا جاريالانادى. بۇل تۋرالى قارجى ينستيتۋتىنىڭ باسپا ءسوز قىزمەتى حابارلادى دەپ جازادى Qamshy.kz اقپارات اگەنتتىگى.
سوڭعى كۇندەرى Instagram-دا Kaspiء-دىڭ اتىنان اۆتوكولىك ۇتىسىن ۇيىمداستىرعان پاراقشا پايدا بولعان. بانكتىڭ رەسمي وكىلى ونىڭ جالعان ەكەنىن ايتىپ، حالىقتى مۇنداي حابارلاندىرۋعا سەنبەۋگە شاقىردى.
«بۇل — جالعان اقپارات. بانكتىڭ الەۋمەتتىك جەلىدەگى رەسمي پاراقشاسى بىرەۋ عانا — @kaspi.kz. تەك سول جەردە ءبىز جاڭالىقتارمەن ءبولىسىپ، پايدالى كەڭەستەر مەن اكسيالار جايىندا حابارلايتىن بولامىز»،- دەيدى بانكتىڭ باسپا ءسوز قىزمەتى. جەكە باسقا قاتىستى مالىمەتتەردى كۇدىكتى پاراقشالارعا جولداماۋدى ەسكەرتكەن بانك وكىلدەرى حالىقتى ساق بولۋعا شاقىرادى. «رەسمي اتاۋى كورسەتىلمەگەن، بەلگىسىز پاراقشالار ۇيىمداستىراتىن بايقاۋلارعا قاتىسىپ، جەكە مالىمەتتەرىڭىزدى حابارلاما رەتىندە جولداماڭىزدار. الاياقتىقتىڭ قۇربانى بولماس ءۇشىن تەك رەسمي اقپاراتتارعا جۇگىنىڭىزدەر»،- دەيدى Kaspi bank وكىلى.
