مۇرىن جىراۋ سەڭگىربەك ۇلى اتىنداعى ماڭعىستاۋ گۋمانيتارلىق كوللەدجىنىڭ الدىندا توبەلەس بولدى دەپ جازادى Qamshy.kz اقپارات اگەنتتىگى lada.kz سايتىنىڭ دەرەگىن نەگىزگە الىپ. الەۋمەتتىك جەلىگە 11 جەلتوقساندا بولعان ءبىر توپ جىگىتتەردىڭ اراسىندا بولعان توبەلەستىڭ ۆيدەوسى جاريالاندى.
اتالمىش وقيعاعا بايلانىستى كوللەدج ديرەكتورى تۇسىنىكتەمە بەردى.
-"بولعان جايتتان كەيىن اتا-انالار جينالىسى وتكىزىلدى. ءبىزدىڭ كوللەدجدە وقيتىن ءبىر ستۋدەنت ءقازىر تەرگەۋدە. ونىڭ اتا-اناسىمەن تۇسىندىرمە جۇمىستار جۇرگىزىلدى"،- دەيدى مەزىلبەك وتەبايەۆ.
ال ماڭعىستاۋ وبلىسىنىڭ پوليسيا دەپارتامەنتى اتالمىش جايت بويىنشا سوتقا دەيىنگى تەرگەۋ جۇمىستارى جۇرگىزىلىپ جاتقانىن ايتتى.
"11 جەلتوقساندا ماڭعىستاۋ گۋمانيتارلىق كوللەدجىنىڭ الدىندا، 2-ىقشاماۋداندا توبەلەس بولعانى انىقتالدى. 3 ادام زارداپ شەكتى. بۇل فاكت قازاقستان رەسپۋبليكاسى قىلمىستىق كودەكسىنىڭ 106-بابىنىڭ 2-بولىگى بويىنشا اقتاۋ پوليسيا بولىمىندە تىركەلدى"، - دەيدى ۆەدومستۆانىڭ باسپا ءسوز قىزمەتى.
پىكىر قالدىرۋ