الماتى پوليسەيلەرى جوعالىپ كەتكەن 20 جاستاعى قىزدىڭ دەنەسىن تاپتى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ. 

25 قاڭتاردا الماتى وبلىسى قاراساي اۋدانىنىڭ 1999 جىلعى تۇرعىنى ۆالەريا پوگرەبنياكتىڭ جوعالىپ كەتكەنى جايلى پوليسياعا حابارلاما تۇسكەن. قۇقىق قورعاۋ ورگاندارىنىڭ وكىلدەرى ىزدەستىرۋ جۇمىستارىن جۇرگىزىپ، ۆالەريانىڭ دوسى - قىز جوعالىپ كەتكەنگە دەيىن ونىمەن بىرگە بولعان 2000 جىلعى جىگىتتەن جاۋاپ الدى. 

"جۇرگىزىلگەن شارالار بارىسىندا ونىڭ قىزدىڭ جوعالىپ كەتۋىنە قاتىسى بار ەكەنى انىقتالدى: ول تەرگەۋ بارىسىندا ادام ولتىرگەنىن مويىنداپ، ءتىپتى قىزدىڭ دەنەسىن قايدا جاسىرعانىن ايتقان. بۇل وقيعا ۆالەريا پوگرەبنياك تۇراتىن اۋىلدىڭ ماڭىندا بولعان. بۇعان، بولجام بويىنشا، قىزعانىش سەبەپ بولعان"، - دەپ حابارلادى پوليسەيلەر.

كۇدىكتى بەرگەن جاۋاپتارعا قاراعاندا ولار جانجالداسىپ قالعان، ارتىنشا ول ۆالەريانى ولتىرگەن. قىلمىستى جاسىرۋ ءۇشىن قىزدىڭ دەنەسىن كومىپ تاستاعان.

"اۋەزوۆ اۋداندىق پوليسيا باسقارماسىنداعى ىزدەستىرۋ بويىنشا تىركەلگەن ءىس وزگەرتىلدى، قازىرگى ۋاقىتتا ادام ءولتىرۋ بابى بويىنشا تەرگەۋ ءجۇرىپ جاتىر. كۇدىكتى قاماۋعا الىندى"، - دەپ حابارلادى پوليسەيلەر.