نۇرسۇلتان نازاربايەۆ برازيليا فەدەراتيۆتىك رەسپۋبليكاسىنىڭ پرەزيدەنتى جاير مەسسياس بولسونارۋعا كوڭىل ايتۋ جەدەلحاتىن جولدادى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.  

مەملەكەت باسشىسى نۇرسۇلتان نازاربايەۆ ميناس-جەرايس شتاتىنداعى بوگەتتىڭ بۇزىلۋى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.

"وسىنداي قيىن ساتتە قازاقستان حالقىنىڭ جانە جەكە ءوزىمنىڭ اتىمنان سىزگە، قازا تاپقانداردىڭ تۋعان-تۋىسقاندارى مەن جاقىندارىنا، سونداي-اق بارشا برازيليا حالقىنا كوڭىل ايتامىن. قايعىلارىڭىزعا ورتاقتاسا وتىرىپ، زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىگىمدى بىلدىرەمىن"، - دەلىنگەن جەدەلحاتتا.

ايتا كەتسەك، وتكەن اپتادا ميناس-جەرايس شتاتىنداعى برۋمادينيۋ مۋنيسيپاليتەتىندە بوگەت جارىلدى. جەكسەنبىدە 58 ادامنىڭ قايتىس بولعانى جانە 305 ادامنىڭ ءىز-تۇسسىز جوعالىپ كەتكەنى حابارلاندى. وسىعان دەيىن 37 ادام قايتىس بولعانى جانە 280 ادام ىزدەستىرىلىپ جاتقانى ايتىلعان.  لاي استىنان قازىلىپ شىعارىلعان جولاۋشىلارى بار اۆتوبۋستى تاپقاننان كەيىن قايتىس بولعاندار سانى وسكەن. 

ۇسىنعان: اسەل بولات قىزى