الماتى وبلىسىنىڭ ءتارتىپ ساقشىلارى اۋىلداسىن جۇدىرىقپەن ۇرىپ ءولتىردى دەگەن كۇدىككە ىلىنگەن تالعار اۋدانىنىڭ 50 جاستاعى تۇرعىنىن ۇستادى، دەپ حابارلايدى Qamshy.kz اقپارات اگەنتتىگى قازاقپارات سايتىنىڭ دەرەگىن نەگىزگە الىپ.
وقيعا 23 قاڭتاردا تالعار اۋدانىنداعى تۇزدىباستاۋ اۋىلىندا بولعان. ەكى اۋىلداستىڭ اراسىنداعى تۇرمىستىق جانجال توبەلەسكە ۋشىعىپ، اۋىر جاراقات العان 52 جاستاعى ەر ادام، اۋرۋحانادا كوز جۇمعان.
تەرگەۋ بارىسىندا، كوز جۇمعان ازامات پەن كۇدىكتىنىڭ جۇبايى اراسىنداعى جانجال كەزىندە توبەلەس بولعانىن جانە كۇدىكتى جۇبايىن قورعاۋ ماقساتىندا وسىنداي قادامعا بارعانىن ءتۇسىندىردى.
«بۇل فاكتى بويىنشا ق ر قىلمىستىق كودەكسىنىڭ 106-بابىنا سايكەس، «دەنساۋلىققا قاساقانا اۋىر زيان كەلتiرۋ» دەرەگى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى ازامات ۇستالدى جانە تالعار اۋدانى پوليسياسىنىڭ ۋاقىتشا ۇستاۋ وقشاۋلاعىشىنا قاماققا الىندى. ءىستى تەرگەۋ تالعار اۋداندىق پوليسيا قىزمەتكەرلەرىنىڭ وندىرىسىندە» دەپ اتاپ ءوتتى ۆەدومستۆونىڭ باسپا ءسوز قىزمەتى.
