ماجىلىستە دەپۋتات سەرىك ساپييەۆتىڭ وكىلەتتىگىن توقتاتۋ تۋرالى شەشىم قابىلداندى، - دەپ حابارلايدى Qamshy.kz اقپارات اگەنتتىگى Tengrinews.kz دەرەگىن نەگىزگە الىپ. بۇل تۋرالى ءماجىلىستىڭ جالپى وتىرىسىندا بەلگىلى بولدى.
شەشىمدى ورتالىق سايلاۋ كوميسسياسىنىڭ ءتوراعاسى باقىت مەلدەشوۆ وقىدى.
– ق ر ورتالىق سايلاۋ كوميسسياسى وتستاۆكاعا كەتۋ جايلى ءوتىنىشتىڭ تۇسۋىنە بايلانىستى قازاقستان پارلامەنتى ءماجىلىسىنىڭ دەپۋتاتى ساپييەۆ سەرىك جۇمانعالي ۇلىنىڭ وكىلەتتىگىن مەرزىمىنەن بۇرىن توقتاتۋ ماسەلەسىن شەشۋگە ۇسىنىس جاسايدى، - دەدى مەلدەشوۆ.
دەپۋتاتتار داۋىس بەرىپ، ساپييەۆتىڭ وكىلەتتىگىن توقتاتۋ تۋرالى شەشىم قابىلدادى.
– قۇرمەتتى سەرىك جۇمانعالي ۇلى، سىزگە پارلامەنتتە بىزبەن بىرگە اتقارعان جۇمىسىڭىز ءۇشىن بارلىق دەپۋتاتتىق كورپۋس اتىنان العىس ايتامىز. سىزگە مەملەكەتتىك قىزمەتتەگى جاڭا ورنىڭىزدا ساتتىلىك تىلەيمىز»-، - دەدى ءماجىلىس سپيكەرى نۇرلان نىعماتۋلين.
سەرىك ساپييەۆ ارىپتەستەرىنە العىسىن ايتتى.
– وسى مۇمكىندىكتى قولدانا وتىرىپ، ءبىزدىڭ مەملەكەت باسشىسى، پارتيا ءتوراعاسىن نۇرسۇلتان ءابىش ۇلى نازاربايەۆقا سپورتتا وسىنداي سەنىم بىلدىرگەنىنە العىس ايتقىم كەلەدى. سونداي-اق، سىزگە نۇرلان زايرۋللا ۇلى جانە قۇرمەتتى ارىپتەستەرىمنىڭ ءارقايسىنا ايتقان كەڭەستەرى، كورسەتكەن قولداۋلارىنا، پارلامەنت ماجىلىسىندە جيناعان تاجىريبە ءۇشىن العىس بىلدىرەمىن. ەلىمىزدىڭ وركەندەپ، قوعامىمىزدىڭ دامۋى ءۇشىن سىزدەرمەن ءالى دە وسىنداي قارقىنمەن جۇمىس ىستەيمىز دەپ سەنەمىن، - دەدى ساپييەۆ.
ەسكە سالايىق، سەرىك ساپييەۆ ءماجىلىس دەپۋتاتى قىزمەتىنە 2017 جىلدىڭ اقپانىندا كەلگەن ەدى.
ۇسىنعان: اسەل بولات قىزى
پىكىر قالدىرۋ