ەلىمىزگە بەلگىلى جۋرناليست ساۋلە ءابىلداحان قىزى استانا قالاسىندا ورىن العان قازالى وقيعاعا قاتىستى ميتينگىگە شاقىرعان بولاتىن. الايدا، ءجۋرناليستىڭ ايتۋىنشا، ميتينگى الماتى قالاسى اكىمدىگىنىڭ رۇقساتىمەن بەلگىلەنەتىن بولىپتى. ميتينگ قاي كۇنى وتەتىنى ءالى بەلگىسىز، دەپ جازادى Qamshy.kz اقپارات اگەنتتىگى.

"دوستار!
زاڭ بويىنشا، الماتى قالالىق اكىمدىگى ىشكى ساياسات باسقارماسىنا ميتينگ وتكىزۋ تۋرالى الدىن الا ارىز بەرۋىمىز كەرەك ەكەن. 
ىشكى ساياسات باسقارماسىنىڭ وكىلدەرى مەنى شاقىرىپ، ءبىر ساعات بويى ايتىسىپ، اقىرىندا ميتينگكە رۇقسات سۇراپ رەسمي ارىز جازىپ قالدىردىم. 
ارىز 10 كۇننىڭ ىشىندە قاراستىرىلادى ەكەن، رۇقسات بەرەدى دەپ ويلايمىن.
بۇل كىسىلەردىڭ ۋادەسى بويىنشا، انا مەن بالا الەۋمەتتىك ماسەلەلەرىن شەشۋ جولدارىن زاڭدى تۇردە، كونسترۋكتيۆتى قاراستىراتىن جۇمىس توبىن قۇرۋ تۋرالى ۇسىنىسىمدى قارايتىن بولدى. 
سوندىقتان ەرتەڭگى ميتينگىنىڭ ۋاقىتىن اكىمشىلىك رۇقسات بەرگەن ۋاقىتقا اۋىستىرامىز.
اكىمشىلىك رۇقسات بەرەدى دەپ سەنىممەن ۇيگە قايتىپ بارامىن" - دەپ جازادى ساۋلە ءابىلداحان قىزى.

ۇسىنعان: نازەركە لابيحان