"ديماش قۇدايبەرگەن نيۋ-يوركتە جەكە كونسەرتىن بەرۋدى جوسپارلاپ جاتىر. بۇل تۋرالى قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەدي ۇلى جۋرناليستەرمەن بولعان كەزدەسۋدە مالىمدەدى" - دەپ حابارلايدى Qamshy.kz اقپارات اگەنتتىگى.

مينيستر كونسەرتتىڭ وتەتىن كۇنى امەريكالىقتارمەن جۇرگىزىلەتىن كەلىسسوزدەن كەيىن بەلگىلى بولاتىنىن ايتتى.

– ءبىز ءقازىر ديماشتىڭ جەكە كونسەرتىنىڭ جوباسىن ازىرلەۋدەمىز. بۇل جولعى وتەتىن شوۋدىڭ اۋقىمى كەڭ بولعانىن قالايمىز.  نيۋ-يورك شاھارىنىڭ ەڭ ۇلكەن كەشەندەرىنىڭ بىرىندە، بالكىم «مەديسون-سكۆەر-گاردەن» زالىندا وتكىزەمىز، – دەدى ارىستانبەك مۇحامەدي ۇلى.

مينيستر سونداي-اق، كەلىسسوزدەردىڭ وڭاي بولمايتىنىن ەسكەرتتى.  ەڭ باستىسى، ديماشتىڭ ۇلكەن كونسەرت وتكىزۋگە نيەتى بار. جوبامەن 15 مىڭ كورەرمەنگە، ايگىلى ورىنداۋشىلاردان كەم تۇسپەيتىن شوۋ جاساساۋ جوسپاردا تۇر.

ال ناۋرىز ايىنىڭ 22-23 كۇندەرى ديماش ماسكەۋدە جەكە كونسەرتىن وتكىزەدى.

ا.احمەتقازى