استانا قالاسىندا 4 اقپان كۇنى بولعان قازالى وقيعاعا قاتىستى قۇزىرلى ورگاندار ءۇيدىڭ ەگەسىن جاۋاپقا تارتپاق. ادۆوكاكات جاندوس تۇياقوۆتىڭ ايتۋىنشا، 5 قىز تىرىدەي ورتكە ورانعان جالدامالى پاتەردىڭ يەسى 7 جىلعا باس بوستاندىعىنان ايىرىلۋى مۇمكىن ەكەن. بۇل جايىندا Qamshy.kz اقپارات اگەنتتىگى استانا ارناسىنىڭ مالىمەتىنە سۇيەنە وتىرىپ جازادى.

ادۆوكاتتىڭ سوزىنە سەنسەك، تۇرعىن ءۇيدىڭ يەسى وسى ۋاقىتقا دەيىن بىرنەشە رەت ءورت قاۋىپسىزدىگىنە قاتىستى قۇزىرلى ورگانداردىڭ نۇسقاۋلىقتارىن العان. ونىڭ ايتۋىنشا، پاتەردىڭ ەگەسى ءسوزسىز قىلمىستىق جاۋاپقا تارتىلادى جانە بۇل ىسكە قاتىستى سوتقا دەيىنگى تەرگەۋ جۇمىستارى جۇرگىزىلەتىن بولادى. تەرگەۋ بارىسىندا قاجەتتى ساراپتامالار جاسالادى.

-تىرىدەي ورتەنىپ كەتكەن بۇلدىرشىندەر پانالاعان تۇرعىن ءۇي ورتكە قارسى قاۋىپسىزدىك شارالارىنا ساي كەلمەگەندىكتەن بۇل وقيعادا سول پاتەردىڭ يەسى جاۋاپقا تارتىلاتىن بولادى. ونى ق ر قىلمىستىق كودەكسىنىڭ 292 بابىنا سايكەس قىلمىستىق جازاعا تارتادى»-، - دەپ ايتىپ ءوتتى تۇياقوۆ.

ەستەرىڭىزگە سالا كەتەيىك، اعىمداعى جىلدىڭ 4 اقپانىندا استانا قالاسىندا بەس بىردەي ءبۇلدىرشىن تىرىدەي ورتەنىپ كەتكەن بولاتىن. اتا-اناسى بۇل كەزدە تۇنگى اۋىسىمدا جۇمىستا بولعان.

ۇسىنعان: نازەركە لابيحان