ءورت سالدارىنان بەس ءاپالى-سىڭلىلى قازا بولعاننان كەيىن الاياقتاردىڭ جۇمىسى جاندانا ءتۇستى  دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. 

استانادا بولعان تراگەديا بۇكىل ەلدى ەسەڭگىرەتىپ تاستادى. كوپتەگەن قازاقستاندىق بىردەن بەس بالاسىنان ايىرىلىپ قالعان وتباسىعا كومەكتەسۋگە اسىقتى. استانا پوليسياسى ورتتەن زارداپ شەككەن وتباسىعا قاراجات جيناۋ كەزىندە الاياقتىق جاسالۋى مۇمكىن ەكەنىن ەسكەرتتى.

الەۋمەتتىك جەلىلەر مەن مەسسەندجەرلەردە اقشا اۋدارۋعا بولاتىن بانك كارتالارىنىڭ رەكۆيزيتتەرى كورسەتىلگەن اقپارات تاراعانى حابارلاندى.

"قىراعىلىق تانىتۋدى سۇرايمىز! ەش ۋاقىتتا بەلگىسىز ادامدارعا اقشا جىبەرمەڭىز. الاياقتاردىڭ قۇربانى بولماۋ ءۇشىن كومەك قولىن سوزعىسى كەلەتىندەردىڭ بارلىعىن قارجىنى رەسمي ەسەپشوتقا جىبەرۋگە شاقىرامىز"، - دەپ حابارلادى پوليسيا دەپارتامەنتى.

ۆەدومستۆوداعىلار ءقازىر قازا تاپقان قىزداردىڭ اناسى – سيتەر جانىمگۇل امانگەلدى قىزىنىڭ اتىنا اشىلعان ءبىر عانا شوت بار ەكەنىن اتاپ ءوتتى.

ەستەرىڭىزگە سالا كەتەيىك، ءبىر وتباسىنداعى بەس بالانىڭ ءومىرىن جالماعان ءورت استانادا كوكتال-1 اۋدانىندا بولدى. كەشە ءاپالى-سىڭلىلى قىزدار جەر قوينىنا تاپسىرىلدى، جانازاعا مىڭداعان استانالىق كەلدى.   

ۇسىنعان: اسەل بولات قىزى