قازىرگى تاڭدا ءبىر ادامنىڭ قيىن جاعدايعا ءتۇسىپ قالعانى ەلدى ەلەڭ ەتكىزسە، قازاقستاندىقتار دەرەۋ شوت اشتىرىپ، اقشا جيناعىش بولىپ العان.
ءتىپتى كەشەگى بالالارىنان ايىرىلعان باسپاناسىز وتباسى سەكىلدى جاعدايعا عانا ەمەس، براكونەرلەر قولىنان قازا تاپقان ەرلان نۇرعالييەۆ ءۇشىن دە شوت اشتىرۋدى سۇراپ جاتقانداردىڭ قاراسى مول بولدى.
قاراپ كورىڭىزشى، ەل مۇددەسى، مەملەكەت مۇددەسى ءۇشىن ءومىرىن قيعان، قىزمەت بابىمەن قازا تاپقان باتىردىڭ وتباسىنا نەگە اقشا بەرگىسى كەلدى؟ سوندا مەملەكەت ءوز قىزمەتكەرىنىڭ وتباسىنا كومەك بەرە الماي ما؟
ءبىزدىڭ حالىق نەگە جومارت بولا قالدى؟
جاۋابى بىرەۋ-اق: ءقازىر قازاقستاندىقتار مەملەكەتكە سەنۋدەن قالعان!
قالاي سەنسىن، الەم ءبىزدى تانىدى، ياكي تانىسىن دەپ، اقشا شاشۋ، كوپىرتە ماقتاۋ...
"استانادا قۇرىلىس دامىپ جاتىر" دەيمىز، ادامدار جەركەپەدە تۇرىپ جاتىر، "جاسىل ەنەرگيا" دەپ ەكسپو وتكىزەمىز، بالالار كومىردەن ۋلانىپ جاتىر.
ابدەن كوڭىلى قالعان حالىق مەملەكەتتىڭ ءوزى ءۇشىن قۇربان بولعان باتىرىنا دا كومەكتەسپەيتىنىن ءبىلىپ، ءوز كۇشتەرىمەن بىر-بىرىنە قارايلاۋعا كوشتى.
بۇرىن توقسانىنشى جىلدارى دا مەملەكەتتەن ءۇمىت كۇتپەي، ءوز كۇندەرىن كورۋگە كىرىسىپ، بازارعا شىعىپ كەتكەن، ەندى وزگەلەرگە كومەكتەسۋگە كوشكەن.
كەلەسى ەتاپ، وزدەرى ىستەۋدەن شارشاپ، قوعامنىڭ ورتاق مۇددەسىن مەملەكەتكە قايتا ارتۋىن تالاپ ەتۋى مۇمكىن. ال ونداي جاعدايدى بەيبىت وتەدى دەۋ قيىن...
ساياسات يدەيات ۇلىنىڭ Facebook-تەگى پاراقشاسىنان الىندى
ۇسىنعان: گۇلىم جاقان
پىكىر قالدىرۋ