پاۆلودار وبلىسىندا تاعى ءبىر وتباسى تۇگەلدەي ىستان ۋلانىپ قايتىس بولدى، دەپ جازادى Qamshy.kz اقپارات اگەنتتىگى.

پاۆلودار وبلىسى باياناۋىل اۋدانى ۇزىنبۇلاق اۋىلىندا بۇتىندەي ءبىر وتباسى – اكەسى، اناسى جانە ەكى بالاسى ىستان ۋلانىپ كوز جۇمدى. قايعىلى حابار توتەنشە جاعدايلار دەپارتامەنتىنە كەشكى 21:30-دا كەلىپ تۇسكەن. بەلگىلى بولعانداي، اناسىنىڭ اياعى اۋىر، ىشىندەگى بالاسى 5 ايلىق بولىپتى.

«06.02.2019 جىلى ساعات 21:30-دا باياناۋىل اۋدانى ۇزىنبۇلاق اۋىلىنىڭ اكىمدىگىنەن پاۆلودار وبلىستىق توتەنشە جاعدايلار دەپارتامەنتىنە حابار كەلىپ ءتۇستى. 14 شارشى مەتردى قۇرايتىن جەكە تۇرعىن ۇيدە 4 ادامنىڭ ءمايىتى تابىلىپتى. ولار: بەكبولاتوۆ رۋستام – 1979 جىلعى، بەكباتىروۆا ناتاليا – 1980 جىلعى، بەكباتىروۆا دينارا – 2004 جىلعى، بەكباتىروۆ دامير – 2007 جىلعى. اۋىل تۇرعىندارىنىڭ ايتۋىنشا، ناتاليا جۇكتىلىكتىڭ 5 ايىندا بولعان. اكەسى مەن اناسى ۋاقىتشا جۇمىسسىز ءجۇرىپتى. اۋىل اكىمى م.ا.مۇقانوۆتىڭ ايتۋىنشا، وتباسى تۇتىننەن ۋلانىپ قازا تاپقان. وقيعا ورنىندا جاۋاپتى مەكەمەنىڭ قىزمەتكەرلەرى جانە كەزەكشى پروكۋرور تەكسەرىس جۇمىستارىن جۇرگىزۋدە»، - دەلىنگەن وبلىستىق توتەنشە جاعدايلار دەپارتامەنتىنىڭ حابارلاماسىندا.

دەرەكتەرگە سايكەس، ولاردىڭ 17، 18 جاستا تاعى ەكى قىزدارى بار ەكەن. ولار اۋدان ورتالىعىندا وقيتىندىقتان ۇيلەرىندە بولماعان.

ۇسىنعان: نازەركە لابيحان