7 اقپاندا شىمكەنت جاقتان قارالى حابار كەلدى. ەلگە بەلگىلى حيرۋرگ، شىمكەنت قالالىق اۋرۋحاناسىنىڭ باس دارىگەرى ءمادي بيعالييەۆ 63 جاسىندا اياق استىنان قايتىس بولدى، دەپ جازادى Qamshy.kz اقپارات اگەنتتىگى.

جاقىندارى قازانىڭ سەبەبىن جۇرەك سوعىسىنىڭ توقتاپ قالۋىنان دەپ ايتقان. سەبەبى ءبىر جىل بۇرىن حيرۋرگ وپەراسيا جاساتىپتى.

ال بۇگىن بەلگىلى بولعانداي، ءمادي بيعالييەۆ ءوزىن-وزى ولتىرگەن. تەك ءسۋيسيدتىڭ سەبەپتەرى ءتىپتى دارىگەردىڭ جاقىندارىنا دا بەلگىسىز. تۋىستارى مارقۇمنىڭ دەنەسىن 7 اقپان كۇنى 15:00-دە تاۋىپ العان. 15:13-تە جەدەل-جاردەم كەلدى، الايدا قۇتقارۋ مۇمكىن بولمادى. قازىرگى ۋاقىتتا ق ر قك 105-بابىنا سايكەس «ءوزىن-وزىن ولتىرۋگە دەيىن جەتكىزۋ» بويىنشا سوتقا دەيىنگى تەرگەۋ باستالدى.

شىمكەنت قالاسىنىڭ دارىگەرلەرى ءۇشىن بۇل قازا اۋىر بولدى.

«ءبىز ءۇشىن بۇل ورنى تولماس قايعى. قانداي اشىق-جارقىن ادام ەدى. قانشاما ادام ءۇشىن جانتالاستى، ولىمنەن قۇتقاردى. قولدارى التىن ادامنان ايىرىلىپ قالدىق. بىلسەڭىزدەر عوي، ونىڭ قانداي دارىگەر بولعانىن...»، - دەدى جەدەل-جاردەم ستانسياسىنىڭ باس دارىگەرى گۇلنار قۇرمانبەكوۆا.  

ۇسىنعان: گۇلىم جاقان