سەنات دەپۋتاتى داريعا نازاربايەۆا قازاقستان جۋرناليستەرى كونگرەسى اتقارۋ كوميتەتىنىڭ ءتورايىمى رەتىندە كۇنى كەشە عانا ب ا ق وكىلدەرىن اككرەديتاسيالاۋعا قاتىستى شىققان بۇيرىقپەن تانىسىپ، ەگجەي-تەگجەي زەرتتەۋگە ۋادە بەردى. بۇل تۋرالى Qamshy.kz اقپارات اگەنتتىگى Sputnik قازاقستان اقپاراتىنا سۇيەنىپ حابارلايدى.

"قازىرگى زاماندا جۋرناليستەردىڭ اۋزىن جابۋعا بولمايدى. ءقازىر ينتەرنەت ارقىلى ءوز وي-پىكىرىن اشىق ايتۋعا مۇمكىندىك بار. جۋرناليستەر ءارقاشاندا ەلدىڭ قامىن ويلايدى، حالىقتىڭ مۇڭ-مۇقتاجىن ۇكىمەتكە جەتكىزەدى. بۇل جاعىنان جۋرناليستەردىڭ ءرولى وتە ماڭىزدى"، - دەدى نازاربايەۆا سەنات كۋلۋارىندا.

سەناتور بۇگىنگى تاڭدا ەلىمىزگە مىقتى جۋرناليستىك قوعام كەرەك ەكەنىن اتاپ ءوتتى.

"جۋرناليستەر وداعى دەگەن بار، ءبىراق ونىڭ اتىن دا ەستىمەيمىز، نە ىستەپ جاتقانىنان دا بەيحابارمىز. ءوز سالالارىڭا قاتىستى زاڭ جوباسى قارالىپ، تالقىلانىپ جاتقاندا، وي-پىكىرلەرىڭدى ايتىپ، ۇكىمەتپەن بىرگە جۇمىس ىستەپ، كۇرەسە ءبىلۋ كەرەك. وكىنىشكە قاراي، جۋرناليستىك قوعام بۇل ماسەلەلەردە بەلسەندى ەمەس"، - دەدى نازاربايەۆا.

ونىڭ ايتۋىنشا، قازاقستاندا ب ا ق سالاسى وتە قاتتى رەتتەلگەن.

"مەنىڭ ويىمشا، ءتۇپتىڭ تۇبىندە بۇل ءداستۇرلى بۇقارالىق اقپارات قۇرالدارىنىڭ بىرتە-بىرتە جويىلۋىنا اكەپ سوعادى. ءقازىر تەلەارنالار مەن گازەتتەرگە وڭاي ەمەس، ءومىر ءسۇرۋى قيىنداپ جاتىر، بارلىق جاعىنان پايدا كورىپ وتىرعان ينتەرنەت. ينتەرنەتتە ەشكىمنىڭ اۋزىن جابا المايسىڭ. بۇل ۇلكەن باسىمدىق. جۋرناليستەر وزدەرى بالاما زاڭ جوباسىن ازىرلەپ، سول باستامامەن شىعۋى كەرەك"، - دەپ كەڭەس بەردى نازاربايەۆا.

سەناتوردىڭ پىكىرىنشە، پارلامەنت قابىرعاسىندا جۇرگەن ءاربىر دەپۋتات جۋرناليستەرگە كومەكتەسۋگە دايىن.

"ءاربىر دەپۋتات، ونىڭ قاي كوميتەتكە ەكەنىنە قاراماستان، ەڭ بىرىنشىدەن، قازاقستان ازاماتى رەتىندە ەلىنىڭ قامىن ويلاۋعا انت بەرگەن. سوندىقتان ولار ءارقاشاندا سىزدەرگە كومەكتەسۋگە دايىن دەپ سەنەمىن"، - دەپ قورىتتى ءسوزىن ول.

ايتا كەتسەك، كەشە وتاندىق ب ا ق بەتتەرىندە جۋرنايستەردى شارالارعا اككرەديتاسيالاۋ ەرەجەلەرى قاتاڭداتىلۋى مۇمكىن دەگەن اقپارات شىقتى. اقپارات جانە كوممۋنيكاسيالار مينيسترلىگى ۇسىنعان بۇيرىق جوباسى جۋرناليستەردىڭ نارازىلىعىن تۋدىرىپ، قىزۋ تالقىعا تۇسكەن بولاتىن.

قۇجاتتا ايتىلعانداي، ەندى ءجۋرناليستى قانداي دا ءبىر شاراعا تىركەگەن كەزدە، ولاردان ەڭبەك كەلىسىمشارتتىنىڭ كوشىرمەسى دە تالاپ ەتىلەدى.

ۇسىنعان: گۇلىم جاقان