الماتى وبلىسىندا تانىمال مەسەنات مونشادا تۇرىپ جاتقان كوپبالالى وتباسىعا جاڭا سالىنعان ءۇي سىيلادى، دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ. وتباسىمەن بىرنەشە ساعات بۇرىن ەسكى مونشادا تۇرعان قۋانىش ءوزىنىڭ تاڭىرقاپ قالعانىن جاسىرمادى. 

جاس كوپبالالى وتباسى قۋانىش پەن ماقپال جانبولاتوۆتار ۇيعىر اۋدانىنىڭ تۋماسى، ەكەۋى بەس بالا تاربيەلەپ وتىر. كەنجە ۇلى ميراس ءۇش ايلىق. وتاعاسى قۋانىش — بالالار ءۇيىنىڭ تاربيەلەنۋشىسى، سونداي-اق جاراقات العان سوڭ، ونىڭ ءبىر كوزى كورمەي قالعان. ءبىراق، قيىندىقتارعا قاراماستان، ول ۇيىنە جاقىن ورنالاسقان بازاردا ءار ءتۇرلى جۇمىس ىستەيدى.

وتباسى ەسكى مونشادا تۇرىپ كەلگەن، ونى تۇرعىن ءۇي رەتىندە جاساقتاعان. ىلعال سالدارىنان بالالار ءجيى اۋىرىپ، ءۇي جىلىمايتىن بولعان. وسى باسپانا ءۇشىن ولار اي سايىن 17 مىڭ تەڭگە تولەپ كەلگەن. مونشادا تۇراتىن وتباسى جايلى Facebook جەلىسىندەگى Online Qazaqstan توبىندا ۆيدەو جاريالاندى.

«وتباسىنىڭ قايعى-قاسىرەتى تۋرالى الەۋمەتتىك جەلى ارقىلى بىلدىك»، - دەيدى الماتى وبلىسى اكىمىنىڭ باسپا ءسوز قىزمەتىنىڭ جەتەكشىسى عالىمۇرات جۇكەل.

«تاڭەرتەڭ وبلىس اكىمى مەسسەندجەر ارقىلى كەلگەن بەينەروليكتى كورگەن. الايدا ۆيدەو ارقىلى وسى وتباسىنىڭ ءدال قايدا تۇراتىنى انىق ەمەس ەدى. ناتيجەسىندە ءبىز ولاردى تالعار اۋدانىنىڭ گۇلدالا كەنتىنەن تاپتىق جانە ساعات 16:00-دە ولاردىڭ ءۇيىنىڭ اۋلاسىندا بولدىق». الماتى وبلىسىنىڭ اكىمى وسى وتباسىعا باردى. «ءبىز قوناقتاردى كۇتپەدىك، بىرەۋ ەسىكتى قاقتى. مەن ەسىكتى اشقانىمدا وندا اماندىق باتالوۆ تۇر. ول باسقا ادامدارمەن بىرگە ۇيگە كىردى. بالالارىمەن امانداسىپ، ۇلكەن بالالاردى قولىنان الىپ، بىزگە وزىمەن بىرگە ءجۇرۋىن سۇرادى»، - دەيدى قۋانىش جانبولاتوۆ.

كولىك تۇرار رىسقۇلوۆ كەنتىنە وتباسىن اپارىپ، ولاردى تانىمال مەسەنات ءارى كاسىپكەر اسقار سۇلەيمەنوۆ قارسى الدى.

«مەن سىزدەردىڭ جاعدايلارىڭىزدى بىلگەندە كاسىپكەرلەردى كومەك كورسەتۋگە شاقىردىم. اسقار فازىل ۇلى قول ۇشىن بەردى، ەندى مىنە بۇل جاڭا ءۇي سىزدەردىكى. باقىتتى بولىڭىزدار»، - دەدى وبلىس اكىمى.

وتباسىمەن بىرنەشە ساعات بۇرىن ەسكى مونشادا تۇرعان قۋانىش ءوزىنىڭ تاڭىرقاپ قالعانىن جاسىرمادى. ال بالالار الدىمەن قوناققا كەلدىك دەپ ويلاعان. ءبىراق كەيىن ءوزارا بولمەلەردى بولە باستادى.

«ءبىز بيۋدجەت قاراجاتىنان باستاپ مەسەناتتارعا جۇگىنگەنگە دەيىن قولداۋدىڭ ءتۇرلى نىساندارىن پايدالانا وتىرىپ، وسىنداي وتباسىلارعا كومەكتەسۋگە تىرىسامىز. مىسالى، بۇل كۇنى جانبولاتوۆتار وتباسىنان باسقا، قاراساي اۋدانىندا كوپ بالالى قاسىموۆتار وتباسىنا دا قولداۋ كورسەتىلدى. بۇل وتباسى اقاۋى بار پەشپەن لاشىقتا تۇردى. ءقازىر ولار ۋاقىتشا تۇرۋ ءۇشىن باسقا ۇيگە كوشىرىلدى. ولارعا ءۇي سالۋ ءۇشىن ۋچاسكە ءبولىندى. سونىمەن قاتار، وتباسىنىڭ ەرەسەك مۇشەلەرى جۇمىسسىزدىق بويىنشا ەسەپكە الىندى. الەۋمەتتىك تولەمدەردى الۋ ءۇشىن باسقا دا قۇجاتتار رەسىمدەلەدى. باقىتتى باسپانا يەگەرلەرىنە كەلەر بولساق، قۋانىش وسى اۋىلدىق وكرۋگتە جۇمىس تاۋىپ، وعان مۇگەدەكتىكتى راسىمدەۋگە كومەك كورسەتىلەدى. مەسەنات اسقار سۇلەيمەنوۆ قۋانىشقا وزىنە ساي كەلەتىن جۇمىس تاۋىپ بەرۋگە ۋادە بەردى»، - دەپ قورىتىندىلادى اكىمنىڭ باسپا ءسوز قىزمەتىنىڭ جەتەكشىسى عالىمۇرات جۇكەل.

ۇسىنعان: اسەل بولات قىزى