سوڭعى كەزدە اقش پرەزيدەنتى دونالد ترامپتىڭ دەنساۋلىعىنا قاتىستى امەريكالىق ب ا ق بەتتەرىندە ءارتۇرلى بولجامدار ايتىلىپ ءجۇر. بىرەۋلەرى «ونىڭ دەنساۋلىعىندا كىنارات بار» دەسە، ەكىنشىلەرى «ول ەكىنشى پرەزيدەنتتىك سايلاۋعا تۇسۋگە جارامايدى» دەگەن پىكىرلەردى جۇرتشىلىققا تاراتۋدا. ال شىندىعىندا سولاي ما؟ اقيقاتى–بۇل ترامپتىڭ قارسىلاستارى تاراپىنان جاسالىنىپ جاتقان شابۋىل مەن ارانداتۋ ەكەندىگى بەلگىلى.

كەشە اق ۇيدە سوناۋ كىشى بۋشتان بەرى كەلە جاتقان دارىگەر «دونالد ترامپتىڭ دەنساۋلىعىندا ەشقانداي كىنارات جوق» دەپ ءمالىم ەتتى. اق ءۇي قوجايىنىنىڭ دەنساۋلىعىنا قاتىستى جايتتى دارىگەردىڭ سوزىمەن تۇيىندەسەك، «قۇداي ونى وسىلاي جاراتقان!».

–ترامپتىڭ جاعدايى جاقسى. اراق ىشپەيدى، تەمەكى شەكپەيدى، ەستە ساقتاۋ قابىلەتى جاقسى. جۇيكەسىندە ەشقانداي اۋىتقۋشىلىق جوق. جۇرەگى ءبىرقالىپتى سوعادى. بويىنىڭ ۇزىندىعى–190 سم، سالماعى 108 كەلى، تەمپەراتۋراسى –36،7، قان قىسىمى–122/74. لابوروتوريالىق زەرتتەۋلەر قورىتىندىسىن ساراپتاي كەلە جاسالعان تۇجىرىم، ترامپ پرەزيدەنتتىك لاۋازىمنىڭ كەلىسى كەزەڭىندە دە ءوزىن وتە جاقسى سەزىنەدى دەپ ويلايمىن. ول ەشقاشان كۇيزەلىستە نەمەسە ەموسيالىق جاعدايدا بولعان ەمەس، – دەدى ونىڭ جەكە دارىگەرى شون كوندي.