تالدىقورعاندا گازدان ۋلانىپ، 3 ادام قايتىس بولدى. قايتىس بولعانداردىڭ قاتارىندا 3 جاسار بالا دا بار. سونداي-اق 8 جاستاعى بالا جانساقتاۋ بولىمىندە جاتىر دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. 

قايعىلى وقيعا 15 اقپاننىڭ تۇنىندە ورىن العان. 

"بۇگىن تۇندە 1947، 1966 جىلعى ەرەسەك اداممەن 2015 جىلعى بالا گازدان ۋلانىپ قايتىس بولدى"، دەپ حابارلادى عالىمۇرات جۇكەل. 

ونىڭ ايتۋىنشا، توتەنشە جاعدايدان كەيىن زارداپ شەككەن 8 جاستاعى بالا ءقازىر جانساقتاۋ بولىمىندە. سونداي-اق عالىمۇرات جۇكەل اتالمىش وتباسىنىڭ جاعدايى تومەن وتباسىلاردىڭ تىزىمىندە جوق ەكەنىن ەسكەرتتى. 

بۇعان دەيىن ينسپەكتورلار تەكسەرىس كەزىندە جالعا بەرىپ وتىرعان ءۇيدىڭ يەسىنە ءورت قاۋىپسىزدىگىنە بايلانىستى قاعاز جۇزىندە ەسكەرتۋ جاساعان. الايدا ءۇي يەسى بۇل ەسكەرتۋگە ءمان بەرمەگەن. 

الماتى وبلىسىنىڭ اكىمدىگىنىڭ حابارلاۋىنشا، جەرلەۋ ءراسىمىن تالدىقورعان اكىمشىلىگى وتكىزەدى. ال امان قالعان 8 جاستاعى قىزعا زاڭ جۇزىندە بارلىق كومەك كورسەتىلەتىن بولادى. 

اۋدارعان: اسەل بولات قىزى