ق ر ىشكى ىستەر ءمينيسترىنىڭ كەڭەسشىسى ءارى رەسمي وكىل-باسپاسوز حاتشىسى بولىپ ءنۇردىلدا وراز تاعايىندالدى، دەپ جازادى Qamshy.kz اقپارات اگەنتتىگى.

ءنۇردىلدا سەرىك ۇلى 1981 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن، ق ر ءىىم قاراعاندى اكادەمياسىن بىتىرگەن. ەڭبەك جولىن الماتىداعى «يۋسا» تەلەارناسىنىڭ ءتىلشىسى بولىپ باستاعان. «31 ارنا» تەلەارناسى «ينفورمبيۋرو» جاڭالىقتار ءبولىمىنىڭ جۇرگىزۋشىسى،  «استانا» تەلەارناسىنىڭ رەداكتور-جۇرگىزۋشىسى، رەپورتەر-ساراپشىسى، «قازاقستان» ۇلتتىق ارناسىنىڭ جاڭالىقتار جۇرگىزۋشىسى، «اپتا.kz» باعدارلاماسىنىڭ جۇرگىزۋشى-رەداكتورى بولعان.

2007 جىلى ىشكى ىستەر ورگانىنا اۋىسىپ، استانا قالالىق ىشكى ىستەر دەپارتامەنتى باسپا ءسوز قىزمەتىنىڭ باستىعى، مەملەكەتتىك ءتىل جانە اقپارات ءبولىمىنىڭ باستىعى، دەپارتامەنت باستىعىنىڭ باسپا ءسوز حاتشىسى  قىزمەتتەرىن اتقاردى.  ق ر ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى-مينيستردىڭ باسپا ءسوز حاتشىسى، كەيىننەن رەسمي وكىلى، ق ر باس پروكۋراتۋراسى اپپارات باسشىسىنىڭ ورىنباسارى، «ورت-ەۋرازيا» تەلەارناسى باس ديرەكتورىنىڭ ورىنباسارى بولدى.

ۇسىنعان: گۇلىم جاقان