اۋعانداردىڭ تۇتقىنىنا تۇسكەن سوۆەت ساربازى نە سەبەپتى ءوز ەلىنە قايتقىسى كەلمەيتىنىن ءتۇسىندىردى دەپ جازادى Qamshy.kz اقپارات اگەنتتىگى "ناستوياششەە ۆرەميا" تەلەارناسىنىڭ  دەرەگىن نەگىزگە الىپ. 

ول اۋعان سوعىسى كەزىندە تۇتقىنعا ءتۇسىپ قالعان. ولگىسى كەلمەگەن سوۆەت ساربازى تۇتقىندالعاننان كەيىن يسلام ءدىنىن قابىلداپ، "تاليبان" راديكالدى توبىنىڭ قاتارىندا بولعان. ءتىپتى سوۆەت اسكەرىنە قارسى سوعىسىپتى. 

گەرات حاكيموۆ اۋعان سوعىسى كەزىندە تۇتقىنعا ءتۇسىپ، كەيىن ۇمىت قالعان جالعىز سوۆەت اسكەرىنىڭ ساربازى ەمەس. سوعىس كەزىندە گەرات حاكيموۆ باسىنان اۋىر جاراقات العان. سول سەبەپتى جىلدار مەن وقيعالاردى ءجيى شاتاستىرادى جانە ورىس ءتىلىن دە ۇمىتىپ قالعان. ءبىراق ول ءالى كۇنگە دەيىن سوۆەت بيلىگىن كەشىرە الماي كەلەدى. وعان سوۆەت بيلىگىنىڭ سول جىلدارداعى 10 شاقتى ساربازعا ساتقىندىق جاساپ، توزاق ومىرگە تاستاپ كەتكەنى سەبەپ بولعان. 

"ءبىز 21 سارباز گەراتتا جوعالىپ كەتتىك. مەن اۋىر جاراقات العان ەدىم. كەيىن تۇتقىنعا ءتۇستىم. ول كەزدە بيلىكتەن كومەك سۇراۋ ءۇشىن قازىرگىدەي ينتەرنەت، تەلەفون بولمادى. سول سەبەپتى ءبىز سول جەردە قالىپ قويدىق. كەيىن بيلىك ءبىزدى ۇمىتىپ كەتتى. سوۆەت ۇكىمەتى ءتىپتى قايتىس بولعان ساربازداردى دا ىزدەستىرمەدى. "مەن 5 جىل بويى سوۆەت ۇكىمەتى ءبىزدى ىزدەپ كەلەدى" دەپ ۇمىتتەندىم. الايدا 30 جىل وتكەننەن كەيىن دە ولار مۇنداي قادامعا بارمادى. وتان ءۇشىن جانىمىزدى قۇربان ەتكەن ءبىزدى ۇمىتتى. مەن سوۆەت ۇكىمەتىن ەشقاشان كەشىرمەيمىن. ءقازىر وتباسىم بار. مەنىڭ رەسەيگە قايتقىم كەلمەدى. اۋعاندار وتە قوناقجاي، جاقسى حالىق. ولار اۋىر جاراقاتتانعان كەزدە ماعان كومەك كورسەتتى"، -دەيدى حاكيموۆ. ءبىراق ونى ءقازىر اۋعانستاندا ابدۋللا شەيح دەپ اتايدى. ەكى رەت ۇيلەنگەن. ءبىرىنشى ايەلى بوسانۋ كەزىندە قايتىس بولىپتى. ءبىرىنشى ايەلىنەن ءبىر قىزى بار. 

سونداي-اق يرانعا بارعان كەزدە رەسەيلىك ازاماتتار ونى ەلگە قايتارعىسى كەلگەن. 

"ءتىپتى زورلىقپەن مەنى رەسەيگە الىپ كەتپەكشى بولدى. ولار ماعان يراندا وسىنداي دورەكىلىك تانىتسا، ەلگە بارعاندا نە ىستەيدى؟ مەن رەسەيگە بارسام، جازىقسىزدان جازىقسىز جازالاي ما دەپ قورقامىن. ال بۇل ەلدە مەنىڭ ەڭ جاقىن وتباسىم بار. ال رەسەيگە ەشقاشان بارمايمىن، بارعىم دا كەلمەيدى"، دەيدى ابدۋللا شەيح. 

اۋدارعان: اسەل بولات قىزى