رەسەيلىك ەكونوميست سەرگەي دومنين قازاقستاندا مۇناي باعاسىنىڭ قىمباتتايتىنى تۋرالى forbes.kz جۋرنالىنا حابارلادى. ەكونوميست ۆەنەسۋەلانىڭ جاعدايىنا قاراپ، ەلدەگى ەكونوميكالىق جاعدايدىڭ ناشارلاۋىنىڭ باستى سەبەبى - بەنزين باعاسىنىڭ ارزاندىعى ەكەنىن اتاپ كورسەتىپ، دامۋشى مەملەكەتتەردى بۇل قاتەلىكتى جاساماۋعا شاقىردى، دەپ جازادى Qamshy.kz اقپارات اگەنتتىگى.
"ەلدى بەنزينسىز قالدىرمايىن دەسە، قازاقستان ۇكىمەتى جانار-جاعارماي قۇنىن رەسەيدەگى باعامەن تەڭەستىرۋى كەرەك. سونىمەن قاتار، 2025 جىلى ەەو ايماعىندا ورتاق مۇناي ونىمدەرىنىڭ نارىعى قۇرىلادى. رەسەيلىكتەر ءوز مۇنايىنىڭ باعاسىن قازاقتارعا قاراپ اۋىستىرمايدى عوي، بۇل بارلىعىنا تۇسىنىكتى. دەمەك قازاقستاندا مۇناي باعاسى 230 تەڭگەگە جەتۋى مۇمكىن"، - دەيدى ەكونوميست.
بۇگىندە رەسەيدەگى بەنزين باعاسى قازاقستاننان 20 امەريكالىق سەنتكە قىمبات. ەلىمىزدىڭ اقشاسىنا شاققاندا 75 تەڭگەنىڭ اراسىندا.
اسىعات ابزالوۆ
ۇسىنعان: نازەركە لابيحان
