قازاقستاننىڭ ەڭبەك جانە الەۋمەتتىك قورعاۋ ءمينيسترى ءمادينا ءابىلقاسىموۆا بيلىك «كوپ بالالى وتباسىلاردىڭ نەگە مۇقتاج ەكەنىن ءالى انىقتاپ جاتىر» دەپ حابارلادى. ءمينيستردىڭ سوزىنشە، ءقازىر ءاربىر ەلدىمەكەندە قانشا كوپ بالالى وتباسى بار ەكەنى انىقتالعان دەپ جازادى Qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ.
— ءاربىر وتباسىنىڭ نەگە مۇقتاج ەكەنىن ءبىلىپ بارىپ كومەكتەسۋ كەرەك – بىرىندە دەنساۋلىق ماسەلەسى، ءبىرى باسپاناعا ءزارۋ، ءبىلىم بەرۋ مەن قارجىلىق قيىندىقتارى بار وتباسىلار بار، - دەدى ءابىلقاسىموۆا.
مينيستر «كوتەرىلگەن ماسەلەنىڭ كوبى وڭ شەشىم تابادى» دەگەنىمەن، ۇكىمەت كوپ بالالى وتباسىلارعا بەرىلەتىن الەۋمەتتىك كومەككە قاراستىرىلعان قارجىنىڭ قانشاعا وسەتىنىن ايتقان جوق. ءابىلقاسىموۆا «بولىنەتىن قاراجات قارجى مينيسترلىگىنىڭ ەسەپتەۋىنەن سوڭ جاريالانادى» دەدى.
— تۇرمىسى تومەن كوپ بالالى جانە از قامتىلعان وتباسىلار باستى نازاردا بولادى. تابىس دەڭگەيى جاقسى بولۋى ءۇشىن [كوپ بالالى وتباسىلارعا] اجەپتەۋىر قارجىلاي كومەك كورسەتىلەدى دەپ ويلايمىن، - دەدى مينيستر.
ۇسىنعان: اسەل بولات قىزى
