اعىمداعى جىلدىڭ 16 اقپانىندا استانا قالاسىندا جوعالىپ كەتكەن 13 جاستاعى ءومىرحان باقداۋلەت دەنەسى ءولى كۇيىندە تابىلدى، دەپ جازادى Qamshy.kz اقپارات اگەنتتىگى.
"بىرنەشە كۇن بۇرىن بالا سىرعاناق تەبۋگە كەتتى" دەگەن اقپارات تاراعانى بەلگىلى.
13 جاستاعى بالانىڭ كوز جۇمعانى جايىندا Instagram جەلىسىندەگى astana_poiski_propavshih پاراقشاسىندا جاريالاندى.
«بۇعان سەنە الماي وتىرمىز، بالا تابىلدى، ءبىراق... ءۇيىنىڭ جانىنداعى قۇدىقتان تابىلىپتى. اقپارات راستالعان. تۋىستارى مەن جاقىندارىنا قايعىرا كوڭىل ايتامىز!» - دەپ جازىلعان پوستتا.
بۇل اقپاراتتى ق ر ءىىم تجك وكىلدەرى دە راستادى.
«19 اقپان كۇنى استاناداعى «جەلەزنودوروجنىي» تۇرعىن ءۇي كەشەنىندە قۇتقارۋشىلار توبى 2006 جىلى دۇنيەگە كەلگەن بالانى ىزدەستىرۋ جۇمىستارىن جۇرگىزگەن بولاتىن. ول 16 اقپان كۇنى ۇيىنەن شىعىپ كەتىپ، ۇيىنە قايتىپ ورالماعان.
ساعات 16:53 شاماسىندا باستالعان ىزدەۋ جۇمىستارىنىڭ ناتيجەسىندە تۇنگى 23:40 شاماسىندا سول جەردەگى كاناليزاسيالىق قۇدىقتاردىڭ بىرىنەن بالانىڭ مۇردەسى تابىلدى. قالاي قازا بولعاندىعى انىقتالىپ جاتىر» - دەپ مالىمدەدى ق ر ءىىم تجك رەسمي وكىلى نۇرسۇلتان نۇراحمەتوۆ.
سونداي-اق بۇل وقيعاعا بايلانىستى استانا پوليسياسى دا پىكىر ءبىلدىردى.
«19 اقپان كۇنى ساعات 23:40 شاماسىندا ەرىكتىلەر كاناليزاسيالىق قۇدىقتان جاس بالانىڭ ءمايىتىن تاۋىپ الدى. ول - ءىز-تۇزسىز جوعالىپ كەتكەن ءومىرحان باقداۋلەت.
بۇل وقيعاعا بايلانىستى تەرگەۋ جۇمىستارى باستالىپ، مەديسينالىق ساراپتاما جاسالادى» - دەلىنگەن حابارلامادا.
ۇسىنعان: نازەركە لابيحان
