الماتى قالاسى اكىمىنىڭ ەسەپ بەرۋى 3 ساعاتقا سوزىلدى. جەرگىلىكتى تۇرعىندار باۋىرجان بايبەككە ءومىر ساپاسىن كوتەرۋ جونىندە ءتۇرلى سۇراقتار قويدى، انىعى سۇراقتاردى جاڭبىرشا جاۋدىردى.

الماتى اكىمى تۇرعىنداردىڭ بارلىق سۇراعىنا لايىقتى جاۋاپ بەردى. ەشكىمدى نازاردان تىس قالدىرمادى.

ميكروفون تاعى ءبىر تۇرعىنعا بەرىلگەندە الگى ادام اكىمدى ماقتاي جونەلدى. ول – الماتى قالاسىندا بۇرىننان تۇرىپ جاتقان اقساقال ەدى.

اكىم سويلەپ تۇرعان اقساقالدى توقتاتىپ: «ناقتى سۇراق قويىڭىزشى، وتىنەمىن»، - دەدى.

الايدا اقساقال اكىمنىڭ ءسوزىن قۇلاعىنا دا ىلمەي، ءسوزىن جالعاستىرا بەردى.

«قۇرمەتتى باۋىرجان قىدىرعالي ۇلى! ءسىز ءوز جۇمىسىڭىزدى كەرەمەت اتقارىپ كەلەسىز. سىزگە باتامدى بەرەيىن، بالام. سۇراق قويۋدى وسىمەن دوعارايىق»، - دەدى اقساقال.

ال بايبەك اقساقالدان «تاعى بىرنەشە تۇرعىنعا سۇراق قويۋعا مۇمكىندىك بەرەيىك» دەپ ءوتىندى.

وسىمەن اكىمنىڭ ەسەپ بەرۋى اياقتالدى.

ۇسىنعان: گۇلىم جاقان