بۇگىن قايعىلى اپاتقا سەبەپكەر بولعان يلياس كارعا قاتىستى سوت ۇكىم شىعاردى دەپ حابارلايدى Qamshy.kz اقپارات اگەنتتىگىنىڭ ءتىلشىسى. سوت شەشىمى بويىنشا ول 10 جىلعا باس بوستاندىعىنان ايىرىلدى. جازاسىن قاۋىپسىزدىگى تومەن كولونيادا وتەيتىن بولادى.
سونىمەن قاتار 7 جىلعا جۇرگىزۋشىلىك كۋالىگىنەن ايىردى. سونىمەن قاتار 4 جابىرلەنۋشىگە 3 ملن تەڭگە كولەمىندە مورالدىق شىعىن تولەۋگە مىندەتتەلدى. بۇعان دەيىن جابىرلەنۋشىلەر كاردان 10 ملن تەڭگە تالاپ ەتكەن.
♦اتىشۋلى يلياس كار: وقيعا ورنىنان قاشىپ كەتۋ ويىمدا دا بولعان جوق
ەسكە سالا كەتەيىك، الماتى قالاسىندا وتكەن جىلدىڭ 29 جەلتوقسانىندا جانتۇرشىگەرلىك جول اپاتى بولىپ، ءۇش ادام قازا تاپقان بولاتىن. بۇكىل ەلدى ەسەڭگىرەتكەن بۇل وقيعاعا Gelendwagen ماركالى كولىك مىنگەن كاسىپكەر يلياس كار سەبەپكەر بولعان.
♦ءۇش ادامنىڭ ءومىرىن قيعان جول اپاتىنا سەبەپكەر يلياس كاردىڭ سوتى باستالدى
ول ساعاتىنا 120 شاقىرىم جىلدامدىقپەن باعدارشامنىڭ قىزىل تۇسىنە ءوتىپ كەتىپ، Mitsubishi كولىگىن سوعىپ وتكەن ەدى. جانتۇرشىگەرلىك جول اپاتىندا قازا تاپقان اكتريسا شولپان ەلگەزەكوۆا مەن ونىڭ قۇربىسى دينارا حاميتوۆا جانە تاكسي جۇرگىزۋشىسىنىڭ تۋىستارى اپاتقا كىنالى ازاماتتى سوتقا بەرىپ، تەرگەۋ جۇمىستارى ءبىر ايدان اسا ۋاقىت جۇرگىزىلىپ، سوتى بۇگىن اياقتالدى.
♦اتىشۋلى يلياس كار وقيعا ورنىنان نە سەبەپتى قاشىپ كەتكەنىن ءتۇسىندىردى
ۇسىنعان: گۇلىم جاقان
