قىتايدىڭ الدەبىر بيىك عيماراتىنىڭ ءدال الدىندا ارنايى دايىندالىپ، قىمبات كولىكتىڭ ءبىرى - لومباردجيني مەن جۇرەگىن ۇسىنعان قولىندا ءبىر قۇشاق گ ۇلى مەن ساقيناسى بار "جۇڭگو جىگىتىن ورىس ۇلتىنىڭ قىزى "لاقتىرىپ كەتتى" دەگەن ۆيدەو عالامتوردى شۋلاتتى. ۆيدەودان بايقاعانداي، قىز جىگىتتەن مۇندايدى كۇتپەگەن سياقتى. وزگە ۇلت دەگەن سەبەبىمىز، ول قىزدىڭ ناقتى قي ۇلت وكىلى ەكەنى انىقتالماعان. بويجەتكەن اعىلشىن، جۇڭگو تىلدەرىندە سويلەيدى. سوعان قاراعاندا، جۇڭگو ەلىندە ءبىلىم الىپ جاتقان نەمەسە جۇمىس ىستەپ جۇرگەن وزگە ۇلت وكىلى ەكەنى انىق.
سونشا دايىندىعى تەككە كەتىپ، كوپشىلىك الدىندا ۇياتقا قالعان جىگىت قىزدىڭ لاقتىرىپ كەتكەنىنە مە، الدە سەزىمىنىڭ جاۋاپسىز بولعانىنا ما، ايتەۋىر، قاتتى اشۋعا مىنگەنىن انىق كورۋگە بولادى. دايىندىقتىڭ ءبارىن تەۋىپ، لاقتىرىپ جۇرگەن جىگىتكە ءبىر جاعى جانىڭ اشيدى، ءبىر جاعى وزگە ۇلت ازاماتىنىڭ ۇسىنىسىن قابىلداماي، باس تارتقان بويجەتكەن ىشتەي ءماز بولاسىڭ.
الەۋمەتتىك جەلىدە "باس تارتىپ دۇرىس جاسادى!"، "ونىڭ ورنىندا قازاق قىزى بولسا، قايتەر ەدى؟" دەگەن سىندى ءتۇرلى پىكىرلەر تۋىنداپ جاتىر.
سەزىمدە ەرىك، ماحابباتتا ۇلت جوق شىعار، ءبىراق قاي ۇلت بولىپ، قاي ەلدە دۇنيەگە كەلسەڭ، سول ۇلتقا ، ەلگە سوڭعى قاسىق قانىڭ قالعانشا ادال بولۋىڭ كەرەك دەپ ويلايمىن.
ۇسىنعان: ماقپال سەمباي
