ەكى جارىم جىلدان اسا ۇكىمەت باسشىسى قىزمەتىن اتقارعان باقىتجان ساعىنتايەۆ ەلباسىنىڭ ۇكىمەت مۇشەلەرىن وتستاۆكاعا جىبەرۋ تۋرالى مالىمدەمەسىنەن كەيىن، العىس ايتىپ بەينەۇندەۋ جولدادى. Qamshy.kz اقپارات اگەنتتىگى ەكس-پرەمەردىڭ بەينەۇندەۋىن وقىرمان نازارىنا ۇسىنادى.
"بۇگىن ۇكىمەت وتستاۆكاعا كەتتى.
تاۋەلسىز قازاقستان مەملەكەتىنىڭ نەگىزىن قالاپ، بۇگىنگى بيىكتەرگە جەتكىزگەن ەلباسى حالقىنىڭ وسىپ-وركەندەۋىن ءارقاشان ەڭ باستى قاعيدا رەتىندە ۇستانىپ، ءاربىر شەشىمىن مەملەكەت پەن حالىقتىڭ مۇددەسى تۇرعىسىنان قابىلداپ كەلەدى. مەملەكەت قۇرۋ وڭاي جۇمىس ەمەس. جاس مەملەكەتتى ءتۇرلى قايشىلىقتار مەن قاقتىعىستاردان امان الىپ ءوتىپ، تاريحي ولشەممەن العاندا تىم قىسقا مەرزىمدە وسىنداي ابىرويلى ەل ەتۋ شىن مانىندە شەكسىز قۇرمەتكە لايىق. ەلباسى - ەلىمىزدىڭ سان مىڭ جىلدىق تاريحىنداعى ەڭ جاۋاپتى كەزەڭدە حالقىمىزدىڭ باعىنا بەرگەن ۇلى دا جاسامپاز تۇلعاسى. سول سەبەپتى، حالقىمىز باياندى بۇگىنى مەن جارقىن بولاشاعىن تەك قانا ەلباسىنىڭ ەسىمىمەن بايلانىستىرادى. وتكەن ەكى جارىم جىل بويى ۇكىمەت تىزگىنىن تاپسىرىپ، جوعارى سەنىم بىلدىرگەنى ءۇشىن ەلباسى نۇرسۇلتان ءابىش ۇلى نازاربايەۆقا شىنايى العىسىمدى بىلدىرەمىن.
