بايقاعانىم، سوڭعى كەزدە حالىق قاتتى وزگەردى، ۇرەي ارتتى. قازاقتىلدىلەر ءسوزسىز كوپشىلىككە اينالدى، جاستار كوبەيدى، ال ولارعا جۇمىس پەن باسپانا 2030، 2050 جىلدارى ەمەس، ءدال ءقازىر كەرەك بولىپ تۇر.
جاس، ءقازاقتىلدى حالقىنىڭ كوڭىلىنەن شىعۋ ءۇشىن جاڭا ۇكىمەتتە ماڭگۇرتتەر ازداۋ بولۋى كەرەك. مۇلدەم بولماسا، ءتىپتى جاقسى. ويتكەنى قاراپايىم حالىقپەن ءقازاقتىلدى مينيسترلەر عانا ءتىل تابىسا الادى، باسقالار حالىقتىڭ اشۋىن كەلتىرەدى. ءوز ويىم.
قاي سالالار حالىقتى ەڭ كوپ ىزالاندىردى؟
مەنىڭشە، بىرىنشىدەن، ءبىلىم سالاسى - ءۇش تۇعىرلى ءتىل، مەكتەپتەگى دالباسا رەفورما، بالاباقشالاردىڭ جوقتىعى. سوندىقتان جاڭا ۇكىمەتتە ەرلان ساعادييەۆ مىرزا قالا بەرسە، ءتۇبى جاقسىلىققا اپارمايدى.
ەكىنشىدەن، الەۋمەتتىڭ اۋىر ءحالى حالقىمىزعا قاتتى ءتيىپ تۇر. مادينا ءابىلقاسىموۆا حانىمنىڭ 16 مىڭ تۋرالى ءسوزى حالىقتى قاتتى رەنجىتتى. ول دا ورنىنان مىندەتتى تۇردە كەتۋى كەرەك دەپ سانايمىن.
ال ەندى حالىقتىڭ اراسىندا جۇرگەن ساۋاتتى ادامدار ۇكىمەتكە شاقىرىلسا، ءتىپتى جاقسى بولار ەدى. ءبىراق ول ەرتەگى، ارمان عوي.
بۇگىنگى كريزيسكە پارلامەنتتىڭ، ماسليحاتتاردىڭ دا كىناسى بار دەپ ەسەپتەيمىن. حالىقتان باياعىدا قاتتى الىستاندى. ەندى 20-30 جىل وتىر عوي دەپۋتات بولىپ! ءتىپتى كولبين ءۇشىن داۋىستارىن بەرگەندەر بار اراسىندا... كەيبىر دەپۋتاتتار ابدەن شارشادى، دەپۋتات بولىپ قارتايدى. ءماجىلىستىڭ 30%-ى رەسمي زەينەتكەرلەر، ال نە دەيسىڭ، نە سۇرايسىڭ ولاردان؟ زەينەتكەر ءۇيى بولىپ كەتتى عوي پارلامەنتىمىز....
ەلىمىزگە كوپ رەفورما كەرەك، ايتپەسە ودان دا جامان كريزيسكە باتىپ كەتەتىن ءتۇرىمىز بار....
مۇحتار تايجاننىڭ Facebook پاراقشاسىنان
ۇسىنعان: گۇلىم جاقان
