قىرعىزستاندىق قۇس فابريكاسى ديرەكتورىنىڭ ايتۋىنشا، تاۋىق جۇمىرتقاسىن قولدان جاساۋ مۇمكىن ەمەس.
"ىستىقكول قۇس فابريكاسى" ج ش س ديرەكتورى ستالبەك مامبەتالييەۆ مەملەكەتتىك ۆەتەرينارلىق جانە فيتوسانيتارلىق قاۋىپسىزدىك ينسپەكسياسىنىڭ ماماندارىنا "رەزەڭكە" جۇمىرتقالار قالاي پايدا بولاتىنىن كورسەتتى، دەپ حابارلادى Qamshy.kz اقپارات اگەنتتىگى Sputnik قىرعىزستان سايتىنا سىلتەمە جاساپ.
"قاتتى توڭازىتىلعان جۇمىرتقالار پىسىرگەننەن كەيىن وسىلاي بەز سەكىلدى بولىپ قالادى. تاۋىق جۇمىرتقاسىن قولدان جاساۋ مۇمكىن ەمەس"، - دەدى قۇس فابريكاسىنىڭ ديرەكتورى.
مامبەتالييەۆ مامانداردىڭ كوز الدىندا بىرنەشە جۇمىرتقانى ءپىسىرىپ، ارشىپ كورسەتتى، ولاردىڭ اراسىندا بۇرىن مۇزداتقىشقا قويىلعاندارى دا بولدى. وسىلايشا ول قىتايلىق جاساندى جۇمىرتقا تۋرالى مالىمدەگەن وش تۇرعىنىنىڭ ءسوزىن جوققا شىعارىپ وتىر.
بۇعان دەيىن قىتايلىق پلاستيكالىق جۇمىرتقا قازاقستانعا دا جەتكەنى جايلى ۆيدەو تاراعان بولاتىن.
"ولار ۇستەلدە "ۆانكا-ۆستانكي" سەكىلدى بيلەيدى. ارنايى جارىپ كوردىك، ءىشى تولعان گەل. جۇمىرتقاعا ءمور باسىلعان. قايناتقان كەزدە اعارادى. ساتىپ العاندا ساق بولىڭىزدار"، - دەيدى كادر سىرتىنداعى ادام.
ۇسىنعان: نازەركە لابيحان
