رەسەي سىرتقى ىستەر مينيسترلىگى اقپارات جانە باسىلىم دەپارتامەنتىنىڭ ديرەكتورى ماريا زاحاروۆا "قازاقستاننىڭ ۇلتتىق ۆاليۋتاسى - تەڭگەدەن ورىس ءتىلى الىنادى" دەگەن اقپاراتقا ءوز پىكىرىن ءبىلدىردى دەپ، جازادى Qamshy.kz اقپارات اگەنتتىگى news.ru سايتىنىڭ اقپاراتىنا سۇيەنىپ.
«ءبىز مۇنى تاۋەلسىز مەملەكەتتىڭ ىشكى ءىسى دەپ ويلايمىز. سەبەبى، ۇلتتىق ۆاليۋتا ءانۇران مەن تۋ سەكىلدى كەز كەلگەن تاۋەلسىز ەلدىڭ رامىزدەرىنىڭ ءبىرى بولىپ تابىلادى. ءبىراق بۇل ماسەلە قاتاڭ – ءبىزدىڭ باقىلاۋىمىزدا. سەبەبى، قازاقستان عانا ەمەس، جالپى ورىس ءتىلى - انا ءتىلىم دەپ سانايتىن ازاماتتارى بار ەلدەرگە قامقور بولۋ - رەسەي سىرتقى ىستەر مينيسترلىگىنىڭ مىندەتتەرى مەن قىزمەتتەرىنىڭ ءبىرى»، - دەدى ديپلومات ماريا زاحاروۆا باسپا ءسوز ءماسليحاتىندا.
پرەزيدەنت نۇرسۇلتان نازاربايەۆ قول قويعان، "ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىن بەكىتۋ تۋرالى» جارلىقتا تەڭگەدەگى جازۋ تەك مەملەكەتتىك تىلدە بولۋى قاجەت دەپ جازىلعان.
ۇسىنعان: ماقپال سەمباي
