تارازدا بولعان جارىلىستىڭ ۆيدەوسى الەۋمەتتىك جەلىلەردە تارالدى، دەپ جازادى Qamshy.kz اقپارات اگەنتتىگى.

جامبىل وبلىستىق توتەنشە جاعدايلار دەپارتامەنتىنىڭ حابارلاۋىنشا كوپقاباتتى ۇيلەردىڭ بىرىندە گاز  جارىلعان. جارىلىس كەزىندە 2 ادام قازا تاپقان.

تاڭعى ساعات 6.31 شاماسىندا ءورت ءسوندىرۋ بولىمىنە حابارلاما كەلىپ تۇسكەن. كوپقاباتتى ءۇيدىڭ ەكىنشى قاباتىندا گاز جارىلعان. پاتەردىڭ 300-دەي  تۇرعىنى ءۇي جانىنداعى №41 مەكتەپكە قاۋىپسىزدىكتى ساقتاۋ ماقساتىندا كوشىرىلگەن.

اتالمىش وقيعاعا بايلانىستى نازاربايەۆتىڭ تاپسىرماسى بويىنشا پرەمەر-مينيستردىڭ ورىنباسارى جەڭىس قاسىمبەكتىڭ توراعالىعىمەن ۇكىمەت كوميسسياسى قۇرىلدى. كوميسسيا مۇشەلەرى تاراز قالاسىنا اتتاندى.

اپات بولعان ءۇيدىڭ تۇرعىندارى وسى ۇيگە جاقىن ماڭداعى №47 مەكتەپكە ورنالاستىرىلدى، ىستىق تاماقپەن قامتىلدى، ۋاقىتشا تۇرۋعا قاجەتتى جاعداي جاسالعان. مەديسينا قىزمەتكەرلەرى مەن پسيحولوگتار تۇرعىندارمەن جۇمىس ىستەپ جاتىر. 

ۇسىنعان: نازەركە لابيحان