وتستاۆكاعا كەتكەن ۇكىمەتتىڭ قۇرامىنداعى ەكس-مينيسترلەردىڭ ارتىندا قانداي ءىسى قالدى؟ ولار وزدەرى باسقارعان سالاعا قانداي رەفورمالار ەنگىزىپ ەدى؟ ماسەلەن، ەرلان ساعادييەۆ پەن ءمادينا ءابىلقاسىموۆانىڭ ورنىن الماستىرعان  جاڭا باسشىلار بۇرىنعى  مينيسترلەردىڭ قاتەلىگىن قالاي تۇزەيدى؟ بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىنە سۇيەنىپ حابارلايى.

“مى دەلاەم رەفورمى، ءبارى شۋلاپ جاتىر. گازەتتەر شۋلاپ جاتىر... نەمەنەگە شۋلاپ جاتىر؟ ەلدەرگە ءتۇسىندىرۋ كەرەك”.

جاقىندا بولعان بيلىكتەگى ءاۋىس-تۇيىس كەزىندە كەيبىر ەكس-مينيسترلەرگە ءالى  لاۋازىم بۇيىرعان جوق. سولاردىڭ ءبىرى – ءبىلىم سالاسىن باسقارعان ەرلان ساعادييەۆ.  

 بەكبولات تىلەۋحان، ق ر پارلامەنتى ءماجىلىسىنىڭ دەپۋتاتى:
«تالاپ مىناۋ، مۇنى وزگەرتەسىز. بۇكىل ينتەلليگەنسيانىڭ تالابى. «ساۋات اشۋ» دەگەننىڭ اتاۋىن قۇرتىڭىزدار. «الىپپەنى» بىزگە قايتارىپ بەرىڭىز!»

ەرلان ساعادييەۆتىڭ تۇسىنداعى ەستە قالعان رەفورمانىڭ ءبىرى – وسى. ءبىر عاسىردان استام تاريحى بار الىپپەنى "ساۋات اشۋ" وقۋلىعىمەن اۋىستىرىپ، باسى داۋعا قالدى. قوعامنىڭ رەاكسياسىنان كەيىن الىپپەنى 0ء-شى سىنىپتارعا وقىتاتىن بولىپ شەشتى. ونىڭ ءوزىن قاشىپ پىسىپ ءجۇرىپ ءتۇسىندىردى جۋرناليستەرگە. 

"الىپپە» بولادى. سوسىن 1-سىنىپ انا تىلگە كوشەدى. 0-سىنىپتا «الىپپە» بولادى".

ەكس-مينيستردىڭ كەزىندە عالىمدار قازاق ءتىلى ءۇشىن ءبىر شۋ كوتەرگەن-دى. كۇندەلىك.كز جوباسىن ەنگىزگەندە دە ءبىراز دۇرلىگىپ قالدى ەل-جۇرت. اتا-انالار جاڭا رەفورما بويىنشا باسىلعان وقۋلىقتاردىڭ سالماعىنىڭ اۋىرلىعىن ايتىپ نارازىلىعىن بىلدىرگەن ەدى. 

"التى جاستاعى بالا نورما بويىنشا 2 كەلى كوتەرۋ كەرەك. بۇل بالالار كۇندە 5،5-6 كەلى كوتەرۋدە. ونىڭ ىشىندە مەكتەپ بالاعا تەگىن تاماق بەرمەگەندىكتەن ءار اتا-انا بالاسىنىڭ سۋىن، تاماعىن سالىپ بەرەدى. ودان بولەك، دەنە شىنىقتىرۋعا كيەتىن كيىمدەرى مەن مەكتەپتەگى اۋىستىراتىن اياق كيىمىمىز بار". 

ەل-جۇرتتىڭ وسىنداي وكپە نازى مەن قوردالانعان ماسەلەنى مەملەكەت باسشىسى ەسكەرىپ، وتكنە اپتادا ۇكىمەتتى وتستاۆكاعا جىبەردى. ال كۇنى كەشە جاڭا پرەمەردى تانىستىرۋ كەزىندە بۇعان جەكەلەگەن مينيسترلىكتەردەگى قوردالانعان ماسەلەلەر ىقپال ەتكەننى ايتتى. 

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
“ءبىراق، جەكەلەگەن مينيسترلىكتەردىڭ، اسىرەسە الەۋمەتتىك سالاداعى ۆەدومستۆولاردىڭ، جۇمىسىنداعى ولقىلىقتار بۇكىل ۇكىمەتتىڭ وتستاۆكاعا كەتۋىنە اكەپ سوقتىردى”.

الەۋمەتتىك سالانى تۋرا ءبىر جىل باسقارعان ءمادينا ءابىلقاسىموۆا جاڭا جاساقتالعان ۇكىمەتتىڭ قۇرامىندا جوق ازىرگە.    

ۇيرەنەرى كوپ ەدى. ول ىستەگەن ۇكىمەت وتستاۆكاعا كەتپەگەندە. ال، ونىڭ كوپبالالى انالارعا بەرلەتىن ازعانتاي جاردەماقىنى تىم كوپسىنگەن ءبىر اۋىز ءسوزى بۇكىل ەلدىڭ جادىندا قالدى. 

 ءمادينا ءابىلقاسىموۆا  ق ر ەڭبەك جانە حالىقتى الەۋمەتتىك قورعاۋ ەكس-مينيسترى:
“ءار اناعا اي سايىن، ءومىر بويى 16160 تەڭگە تولەنىپ وتىر. بۇل جاردەماقى تابىسقا بايلانىستى ەمەس”.

“ءار وبلىستا قانداي ماماندىقتار كەرەك ەكەنى بار عوي، بەردىبەك؟ تى كاك كورەفەي، سكاجي”، - دەگەنى تاعى بار.

"بولاشاقپەن" وقىپ، جەتى جۇرتتىڭ ءتىلىن مەڭگەرگەن جاس كادرلار سول كورەفەيلەردەي بولا الماي وتىر. ەكى-ۇش وبلىستا اكىم بولىپ، كەزىندە ءوزى باسقارعان الەۋمەتتىك سالاعا بەردىبەك ساپاربايەۆتىڭ مينيستر بولىپ كەلگەنىنە قۋانعاندار كوپ. 

مايرا ايسينا،  ق ر پارلامەنتى ءماجىلىسىنىڭ دەپۋتاتى:
“ەندى ونداي ماسەلەنى بىردەن ايتا قويۋ قيىن. بىزگە ءبارى دە ءوزىمىزدىڭ جىگىتتەر، قىزدار عوي ىستەپ جۇرگەن. ءبىر جاعىنان ولاردىڭ بىلىكتى، بەلسەندى ەكەنىن بىلەمىز. كىم بىلەدى، قولدارىنان قالاي كەلەدى؟". 

سونداي-اق، ساعىنتايەۆ باسقارعان ۇكىمەتتىڭ قۇرامىندا بولعان مينيسترلەردەن ۇلتتىق ەكونوميكا ۆەدومستۆوسىن باسقارعان تيمۋر سۇلەيمەنوۆ ازىرگە ەشقانداي قىزمەتكە تاعايىندالمادى. اركىم سان-ساققا جورىپ جاتىر. 

ۇسىنعان: گۇلىم جاقان