الماتىدا پوليسيا قىزمەتكەرى پىشاقتالدى دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ.
قىلمىستىق پوليسيا باسقارماسىنىڭ مالىمەتىنشە، جەتى ادام «مەگا تاۋ» ساۋدا ۇيىندە ۇرلانعان زاتتاردى الىپ ساتۋمەن اينالىسقان. وزدەرىنىڭ قىلمىستىق ارەكەتىن ولار ەشكىمنەن جاسىرماي، حالىق الدىندا جۇرگىزە بەرگەن.
«ءبىز جەدەل اقپاراتتار بويىنشا جۇمىس ىستەي باستادىق: جەتەۋىنەن ۇرلانعان ۇيالى تەلەفوندار تاركىلەدىك. كۇدىكتىلەردىڭ ءبىرى تۇتقىنعا الۋ بارىسىندا قاشىپ كەتۋگە تىرىستى. جەلتوقسان مەن جىبەك جولى كوشەلەرىنىڭ قيىلىسىندا ونىڭ Toyota Camry اۆتوكولىگى بۇعاتتالعان، كەيىن ول جاياۋ قاشپاق بولدى. تۇتقىنداۋ بارىسىندا كۇدىكتى پوليسيا قىزمەتكەرىنىڭ ومىرىنە ماڭىزدى ورگانىنا ەكى رەت پىشاق سۇقتى: ءتارتىپ ساقشىسىن برونجيلەت قۇتقارىپ قالدى، جاراقاتى ءقاۋىپتى ەمەس. قاسكۇنەم قاشۋعا تىرىسقانىمەن، ول ۇستالدى»، - دەدى باسقارما باسشىسى پودپولكوۆنيك ەسەن ىسقاقوۆ.
27 جاستاعى كۇدىكتى ۋاقىتشا ۇستاۋ يزولياتورىنا قامالدى. تەرگەۋشىلەر وعان ەكى قىلمىس بويىنشا ايىپ تاعىپ وتىر، بۇل ق ر قك-نىڭ 380 جانە 196-باپتارى – «بيلىك وكiلiنە قاتىستى كۇش قولدانۋ» جانە «كورiنەۋ قىلمىستىق جولمەن تابىلعان ءمۇلiكتi يەمدەنۋ نەمەسە وتكىزۋ».
ارنايى وپەراسيانىڭ قورىتىندىسى بويىنشا، دەپارتامەنت تاركىلەنگەن زاتتار تۋرالى ايتتى: الىپ-ساتارلاردان «مەگا تاۋداعى» جۇمىس ورنىندا 198 كۇماندى ۇيالى تەلەفون تابىلدى، قاشىپ كەتپەك بولعان كۇدىكتىنىڭ اۆتوكولىگىنەن 10 تەلەفون تاركىلەندى.
سونداي-اق، ازامات ە. ءوز پاتەرىندە 35 ۇيالى قۇرىلعى مەن نوۋتبۋك ساقتاعان. تاركىلەنگەن زاتتاردىڭ كىمدەرگە تيەسىلى ەكەنى الداعى تەرگەۋ بارىسىندا تەكەرىلەدى.
ۇسىنعان: اسەل بولات قىزى
پىكىر قالدىرۋ