استانا قالاسىندا نۇرسۇلتان نازاربايەۆ توراعالىعىمەن "نۇر وتان" پارتياسىنىڭ XVIII سەزى ءوتىپ جاتىر. سەزد پارتيانىڭ 20 جىلدىق مەرەيتويىنا ويلاستىرىلعان، دەپ حابارلايدى Qamshy.kz اقپارات اگەنتتىگى.
پارتيا دەلەگاتتارى مەملەكەت باسشىسىنىڭ 20 جىلعا بەرىلىپ جاتقان باعاسىن مۇقيات تىڭداپ وتىر. جالپى، بۇگىنگى سەزدىڭ كۇن تارتىبىندە مىنا ءتورت ماسەلە قارالادى:
- پارتيانىڭ 2030 جىلعا دەيىنگى باعدارلاماسىن قابىلداۋ؛
- پارتيانىڭ قۇرامىنا وزگەرىستەر مەن تولىقتىرۋلار ەنگىزۋ.
- ساياسي قۇرامنىڭ جۇمىسىنا باعا بەرىپ، ورتالىق كوميسسيانىڭ جۇمىسىمەن تانىسۋ. ساياسي كەڭەس پەن ورتالىق باقىلاۋ كوميسسياسىنىڭ جاڭا قۇرامىن بەكىتۋ.
- سەزد جۇمىسى ساعات 14.00-دە اياقتالادى.
ءوز سوزىندە ەلباسى ەلدىڭ الەۋمەتتىك جاعدايىنا كوپ كوڭىل ءبولدى. حالىقتىڭ ءال-اۋقاتىنا توقتالا كەتىپ، ەلدەگى مۇقتاج جاندارعا كومەك كورسەتىلۋى ءتيىس ەكەنىن ەسكەردى. ءارى جالاقى مەن كوپ بالالى وباسىلارعا بەرىلەتىن جاردەماقى ماسەلەسى دە قايتا قارالدى.
"ءبىز مۇعالىمدەردىڭ جالاقاسىن وسىردىك، وزدەرىنىڭ كاسىبيلىگىن دالەلدەگەندەرگە 50 پايىز، جالپى 30 پايىز وسىردىك. 1 شىلدەدەن باستاپ بيۋدجەت سالاسىنداعى جالاقىسى ەڭ از ادامداردىڭ جالاقىسىن 30 پايىزعا ءوسىرۋدى تاپسىرامىن" دەي كەلە كوپ بالالى وتباسىلاردىڭ ماسەلەسىنە توقتالدى.
"ميلليونەرلەرگە مەملەكەتتەن تاعى كومەك بەرۋدىڭ قاجەتى نە؟ كىرىسى از وتباسىلار اراسىندا 111 مىڭ عانا وتباسى اتاۋلى كومەك الادى ەكەن. كوپ بالالى وتباسىلاردىڭ جاردەماقىسىن ءاربىر بالاعا 21 مىڭ تەڭگەگە جەتكىزۋدى تاپسىرامىن"، - دەدى ەلباسى سەزد بارىسىندا.
ۇسىنعان: گۇلىم جاقان
پىكىر قالدىرۋ