استانا قالاسىندا نۇرسۇلتان نازاربايەۆ توراعالىعىمەن "نۇر وتان" پارتياسىنىڭ XVIII سەزى ءوتىپ جاتىر. سەزد پارتيانىڭ 20 جىلدىق مەرەيتويىنا ويلاستىرىلعان، دەپ حابارلايدى Qamshy.kz اقپارات اگەنتتىگى.
پارتيا دەلەگاتتارى مەملەكەت باسشىسىنىڭ 20 جىلعا بەرىلىپ جاتقان باعاسىن مۇقيات تىڭداپ وتىر. جالپى، بۇگىنگى سەزدىڭ كۇن تارتىبىندە مىنا ءتورت ماسەلە قارالادى:
- پارتيانىڭ 2030 جىلعا دەيىنگى باعدارلاماسىن قابىلداۋ؛
- پارتيانىڭ قۇرامىنا وزگەرىستەر مەن تولىقتىرۋلار ەنگىزۋ.
- ساياسي قۇرامنىڭ جۇمىسىنا باعا بەرىپ، ورتالىق كوميسسيانىڭ جۇمىسىمەن تانىسۋ. ساياسي كەڭەس پەن ورتالىق باقىلاۋ كوميسسياسىنىڭ جاڭا قۇرامىن بەكىتۋ.
- سەزد جۇمىسى ساعات 14.00-دە اياقتالادى.
سەزد بارىسىندا نازاربايەۆ ۇكىمەتكە «نۇرلى جەر» باعدارلاماسى اياسىندا 40 مىڭنان استام جالدامالى پاتەر سالۋدى تاپسىردى. ولاردىڭ باسىم بولىگى تۇرمىسى تومەن كوپبالالى وتباسىلارعا بەرىلۋى ءتيىس.
"باسپانامەن قامتۋ ماسەلەسى دە ماڭىزدى. ۇكىمەتكە "نۇرلى جەر" ارقىلى 40 مىڭعا جۋىق پاتەر سالۋدى تاپسىرامىن. ول ارەندا جۇيەسىندەگى پاتەرلەر بولادى جانە الەۋمەتتىك از قامتىلعاندارعا ارنالادى. بۇل ءۇشىن 7 جىل بويى جىل سايىن 50 ملرد تەڭگە بولىنەدى. كوپ بالالى مەن تولىق ەمەس وتباسىلارعا، مۇگەدەك بالاسى بار ادامدار ءۇشىن تۇرعىن ءۇي نەسيەسىن تقجب ارقىلى 2-3 پايىزبەن بەرۋدى تاپسىرامىن. ول ءۇشىن تقجبعا قوسىمشا قارجى كەرەك"، - دەدى ەلباسى وتىرىس بارىسىندا.
ۇسىنعان: گۇلىم جاقان
پىكىر قالدىرۋ