بۇرىنعى ىشكى ىستەر ءمينيسترى قالمۇحانبەت قاسىموۆ ءوزىنىڭ جاڭا قىزمەتى تۋرالى پىكىر ءبىلدىردى دەپ حابارلايدى Qamshy.kz اقپارات اگەنتتىگى tengrinews.kz سايتىنىڭ دەرەگىن نەگىزگە الىپ. 

قاسىموۆ مۇنداي لاۋازىمدى قىزمەتكە تاعايىندالامىن دەپ ويلاماعان كورىنەدى. 

"ءبىز پاگون تاققان قىزمەتكەرلەرمىز. قانداي بۇيرىق شىقسا سونى مۇلتىكسىز ورىندايمىز. ارينە، ءومىر باقي ءبىر ورىندا وتىرا المايمىز. جاقىندا جاڭا قىزمەتتە جۇمىس ىستەيتىن بولامىن. بۇل وتە كۇردەلى ءارى ۇلكەن جاۋاپكەرشىلىكتى قاجەت ەتەتىن جۇمىس. كوپتەگەن باعىتتار بار: قورعانىس ونەركاسىبى، قورعانىس قاۋىپسىزدىگى جانە قوعامدىق قاۋىپسىزدىك، ءتىپتى قورشاعان ورتا. بارلىق وسى اسپەكتىلەر باقىلانادى. كۇن سايىن ءبىز قۇجاتتاردى ەلباسىعا كورسەتىپ، ەسەپ بەرىپ وتىرامىز"، دەيدى قاسىموۆ. 

سونداي-اق ول قازىرگى ءىىم ءتوراعاسى ەرلان تۇرعىمبايەۆ تۋرالى دا پىكىر ءبىلدىردى. 

"ول 6 جىل مەنىڭ ورىنباسارىم بولعان بىلىكتى مامان. ءوز قىزمەتىن مۇلتىكسىز اتقارادى"، دەپ قىسقا قايىردى قالمۇحانبەت قاسىموۆ.

ەسكە سالا كەتسەك، 12 اقپاندا قالمۇحانبەت قاسىموۆ پرەزيدەنت كەڭەسشىسى جانە قاۋىپسىزدىك كەڭەسىنىڭ حاتشىسى بولىپ تاعايىندالعان.  

اۋدارعان: اسەل بولات قىزى