ەلباسى باسشىلىق ەتكەن «نۇر وتان» پارتياسىنىڭ XVIII سەزىندە كۇن تارتىبىندەگى ەڭ وزەكتى ماسەلە – حالىقتىڭ الەۋمەتتىك جاعدايى تالقىلاندى.

الەۋمەتتىك از قامتىلعان  توپتاردىڭ، كوپبالالى انالاردىڭ، جاس وتباسىلاردىڭ جاعدايىن جاقسارتۋ بويىنشا ناقتى شەشىمدەر ايتىلدى. الەۋمەتتىك سالاعا اۋقىمدى سومادا قاراجات ءبولىنىپ وتىر. بۇل بىرىنشىدەن، ەلباسىنىڭ قىراعىلىعى، حالىققا دەگەن جاناشىرلىعى دەۋگە بولادى.

كوپبالالى وتباسىلارعا، ولاردىڭ ءار بالاسىنا 21 مىڭ تەڭگە ءبولۋ، قانشاما وتباسىعا تىعىرىقتان شىعار جول. سول سەكىلدى، مەملەكەتتىك، بيۋدجەتتىك قىزمەتكەرلەردىڭ جالاقىسىن كوتەرۋ، تاعى دا ءبىرشاما حالىقتىڭ ماسەلەسىن شەشەدى. مۇنىڭ بارلىعىن ەلباسى ءبىلىپ وتىر. ءبىز سول كىسىدەن ۇلگى الساق. بار كۇش-قايراتىمىزدى جيىپ، وسى ىسكە باعىتتاساق بۇگىنىمىز دە، بولاشاعىمىز دا باياندى بولماق.

جاستاردى قولداۋ، ولارعا باسپانانى قولجەتىمدى ەتۋ دە اسا وزەكتى. بۇل جونىندە ۋينستون چەرچيلل «جاستارعا سالىنعان ينۆەستيسيا، كورسەتىلگەن كومەك، بۇل نارەستەنىڭ اۋىزىنا انا ءسۇتىن توسقانمەن تەڭ» دەگەن. بولاشاق جاستاردىكى، ولار سوعان دايىن بولۋى كەرەك. ءبىز ولاردىڭ ەرتەڭىنە الاڭدامايتىنداي بولۋىمىز كەرەك، ول ءۇشىن بۇگىن قامدانۋىمىز ءجون بولادى.

ۇستاز بەدەلىن كوتەرۋ – قوعامدى، بولاشاق ۇرپاقتى تاربيەلەۋ. قۇندىلىق دەگەن – وسى. ءبىز ءبىرشاما قۇندىلىقتاردان دا الشاقتاپ بارامىز. ونى ساقتاپ قالۋدىڭ ۇلكەن ءبىر جولى ۇلتقا دەگەن جاناشىرلىقتان تۋادى.

وسى تۇستا ۇكىمەت اۋىسۋىنىڭ وزىندە دە ۇلكەن ءمان جاتىر. جاڭا مينيسترلىك وسى ماسەلەلەردىڭ جولىن تاۋىپ، ەلباسى قويعان وركەنيەتتى ماقساتقا جەتكىزەدى دەپ سەنەمىن. ويتكەنى مينيسترلىكتەن باستاپ، جەر-جەردەگى، ءتىپتى اۋداندىق، اۋىلدىق اكىمدەرگە ناقتى تاپسىرما بەرىلدى. مەملەكەت باسشىسى بۇكىل پارتيا مۇشەلەرىن وسى ىسكە جۇملدىرىپ، ۇكىمەتتى وسىعان باعىتتاپ وتىر.

دوسحان جولجاقسىنوۆ