قازاقستاندا تاعى ءبىر پانتەون پايدا بولۋى مۇمكىن. ونى قوستاناي وبلىسىندا سالماق. پانتەون 7-9 ورىنعا ەسەپتەلگەن. ونىڭ نوبايى دا دايىندالىپ قويىپتى دەپ جازادى Qamshy.kz اقپارات اگەنتتىگى 31 ارناعا سىلتەمە جاساپ. 

امانگەلدى اۋدانىنداعى كەيكى باتىر ەسكەرتكىشىنىڭ ماڭىنا مازار، مۇراجاي، كورمە جانە كينوزال سالۋ جوسپارلانىپ وتىر. بۇل وبلىستاعى شالعايداعى اۋدانداردىڭ ءبىرى. مۇنداي جوباعا باستاماشى بولعان جەرگىلىكتى زاڭگەردىڭ سوزىنشە، كەشەننىڭ قۇرىلىسى وڭىرگە تۋريستەردى تارتادى.

كەشەن دەمەۋشىلەردىڭ قارجىسىنا سالىناتىن بولادى. ازىرگە ونىڭ جوباسى بەكىتىلگەن جوق. اۆتورلار وبلىس باسشىسىمەن كەزدەسۋدى كۇتىپ ءجۇر. ول جەرگە كىمدى جانە قانداي قىزمەتى ءۇشىن جەرلەيتىنى ازىرگە بەلگىسىز.

ال بۇل جاڭالىق قوعامدا تۇسىنبەستىك تۋعىزدى. ءبىرى پانتەونعا نارازى بولسا، ەندى بىرەۋلەرى مۇنىڭ ەش ءمانى جوق ەكەنىن ايتادى.

«30-40 جىلدان كەيىن كەلەشەك ۇرپاق وسى جەرگە كەلىپ، وتانىنا قىزمەت ەتىپ، قازاقستاننىڭ قۇرىلۋىنا اتسالىسقانداردى ەسكە الۋى ءۇشىن بۇل جەر وتە كەرەك»، – دەيدى تۇرعىنداردىڭ ءبىرى.

«ونداعى مازار كىمنىڭ باي ەكەنىن كورسەتىپ، ادامداردى بولەدى، بوس شىعىن ءبىزدىڭ ۇرپاعىمىز ءبىلۋى ءۇشىن. ولار ءقازىر ەشتەڭە بىلمەيدى عوي. لەنيننىڭ كىم ەكەنىن سۇراڭىزشى، ولار بىلمەيدى»، – دەيدى قوستاناي وبلىسىنىڭ تۇرعىندارى.

ۇسىنعان: اسەل بولات قىزى