ۇكىمەت باسشىسى اسقار مامين ق ر پرەمەر-مينيسترى كەڭسەسىنىڭ جاڭا باسشىسى قىزمەتىنە دارحان كالەتايەۆتىڭ تاعايىندالعانىن حابارلادى، دەپ جازادى Qamshy.kz اقپارات اگەنتتىگى primeminister.kz سايتىنا سىلتەمە جاساپ.

د. كالەتايەۆ 1972 جىلى شىعىس قازاقستان وبلىسىندا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن، مەملەكەتتىك باسقارۋ ۇلتتىق جوعارى مەكتەبىن ءتامامداعان.

ەڭبەك جولىن 1995 جىلى باستاعان. ق ر پرەزيدەنتى اكىمشىلىگىنىڭ، ءبىلىم جانە مادەنيەت، اقپارات جانە قوعامدىق كەلىسىم مينيسترلىكتەرىنىڭ قۇرىلىمىندا جۇمىس ىستەگەن.

2007–2008 جىلدارى — پرەزيدەنت اكىمشىلىگى باسشىسىنىڭ ورىنباسارى، 2008–2009 جىلدارى — «نۇر وتان» حدپ ءتوراعاسىنىڭ ءبىرىنشى ورىنباسارى، 2009–2016 جىلدارى — «سامۇرىق-قازىنا» ۇلتتىق ءال-اۋقات قورى» اق باسقارۋشى ديرەكتورى قىزمەتتەرىن اتقارعان. 2016 جىلدىڭ قازان ايىندا ق ر پرەزيدەنتىنىڭ جارلىعىمەن ق ر پارلامەنتى سەناتىنىڭ دەپۋتاتى بولىپ تاعايىندالدى. 2017 جىلدىڭ قىركۇيەگىنەن باستاپ — ق ر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەسى بولدى.

2018 جىلعى ساۋىردەن باستاپ ق ر قوعامدىق دامۋ ءمينيسترى قىزمەتىن اتقارعان.

ۇسىنعان: نازەركە لابيحان