اقش-تىڭ ءبىلىم دەپارتامەنتىنىڭ وكىلدەرى 11 جاستاعى قازاقستاندىق سوفي ماناسياندى دارىندى دەپ تانىدى. وعان Gifted (دارىندى) تاڭباسى بار حات كەلىپ تۇسكەن، - دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.

اناسى ولگا ماناسياننىڭ ايتۋى بويىنشا، قىزى اعىلشىن ءتىلىن ۇزبەي وقىعان ەكەن. وعان قوسا اكادەميالىق جەتىستىكتەرى مەن مەكتەپ ساباقتارى بويىنشا باعالارى جوعارى بولعان. بىرنەشە اي بۇرىن ول لوس-اندجەلەستە مەكتەپ وكۋرۋگىنىڭ ارنايى كوميسسياسىنىڭ وكىلدەرىنەن بىرنەشە كەزەڭنەن تۇراتىن تىڭداۋدان وتكەن. قازىرگى ۋاقىتتا سوفي اقش-تىڭ ءبىلىم بازاسىنا ەنىپ، ول جاقتا Gifted (دارىندى) بەلگىسىمەن ستۋدەنت رەتىندە تىركەلگەن. "جاڭا دارەجە وعان ارنايى باعدارلاما بويىنشا وقۋعا مۇمكىندىك بەرەدى. ول جاقتا سوفي ءوزىنىڭ ونەرگە دەگەن دارىنىن ودان ءارى دامىتا الادى. وعان قوسا ول ارنايى مەملەكەتتىك باعدارلامالارعا ارنالعان گرانتتىڭ يەسى بولۋى مۇمكىن. گرانتتار دارىندى بالالارعا ارنالعان. الداعى ۋاقىتتا ءبىزدىڭ مامانداندىرىلعان جوو-عا تۇسۋگە دە مۇمكىندىگىمىز بولادى"، - دەدى سوفيدىڭ اناسى. 

سوڭعى ەكى جىل بويى الماتىلىق قىز امەريكادا تۇرادى. وسى ۋاقىتقا دەيىن سوفي ماناسيان اعىلشىن ءتىلىن جەتىك مەڭگەرىپ العان. سونداي-اق، اكادەميالىق جەتىستىكتەرگە جەتكەن. بۇل جەتىستىكتەر جاس قىزعا Gifted دارەجەسىن الۋعا جانە جالپى تىڭداۋدان وتۋگە كومەگىن تيگىزدى. سوفي اقش-تىڭ ازاماتى بولماي-اق جانە وعان اعىلشىن ءتىلى انا ءتىلى بولماسا دا تابىسقا جەتە ءبىلدى. سوفي ماناسيان حالىقارالىق بي كونكۋرستارىنا قاتىسىپ، تانىمال بولدى. ول نەبارى التى جاسىندا اۆستريالىق "مينۋتا سلاۆى" شوۋىنا دا قاتىسقان. ءتورت جاسىندا سوفي "الەمنىڭ كىشكەنتاي حانشايىمى - 2012" بايقاۋىنىڭ ۆيسە-ارۋى اتاعىن جەڭىپ العان. 
ۇسىنعان: ماقپال سەمباي