الەمدىك ارەنادا قازاق ەلىن ەرەكشە داۋىسىمەن تانىتىپ جۇرگەن تالانتتى ءانشى ديماش قۇدايبەرگەن رەسەي انشىلەرىن تاڭداي قاقتىرعان كىشكەنتاي ەرجان ماكسيمگە قولداۋ ءبىلدىرىپ، ءوز اقىلىن ايتتى، دەپ حابارلايدى Qamshy.kz اقپارات اگەنتتىگى.
ديماش قۇدايبەرگەن ءوزىنىڭ Instagram پاراقشاسىندا ەرجاندى كىشكەنتاي باتىرعا تەڭەپ، ۇلكەن جۇلدىز بولۋىنا تىلەك ءبىلدىردى.
"ەرجانتاي، بالاپان، رەسەيدەگى ونەرىڭە ءتانتى بولدىم. قازاق ەلىنىڭ ونەرگە باي ەكەنىن رەسەيدىڭ قاق ورتاسىندا دالەلدەگەن كىشكەنتاي باتىرىمىزسىڭ. بىلتىر وسىنداي جوبادا دانەليا قۇلىنشاعىمىز ۋكراينادا ەلىمىزدىڭ مارتەبەسىن كوتەرسە، بيىل داستۇرگە اينالعان جەڭىستى ءۇردىسىمىزدى ءوزىڭ رەسەيدىڭ تورىندە دەس بەرمەي ابىرويمەن جالعاستىرۋىڭا تىلەكتەسپىن. سەن مىقتىسىڭ!!! ساعان ءبىرىنشى كەزەكتە، قازىرگىدەي جاقسى قاراپايىم ازامات بولىپ ءوسۋىڭدى، سودان بارىپ قانا ۇلكەن جۇلدىز بولۋىڭدى تىلەيمىن، جانىم. العا، ەرجانتاي!" - دەپ جازادى ديماش.
ۇسىنعان: نازەركە لابيحان
