Qamshy.kz اقپارات اگەنتتىگى وقىرماندار نازارىنا 4-10 ناۋرىز كۇندەرى ارالىعىندا قازاقستاندا بولعان نەگىزگى تاعايىنداۋلاردى وقىرمان نازارىنا ۇسىنادى.

«سامۇرىق-قازىنا» اق ديرەكتورلار كەڭەسىنىڭ باسشىلىعىنا قازاقستان رەسپۋبليكاسىنىڭ پرەمەر-مينيسترى اسقار مامين تاعايىندالدى.

سونىمەن قاتار، قوردىڭ ديرەكتورلار كەڭەسىنىڭ قۇرامىنا ق ر ۇلتتىق ەكونوميكا ءمينيسترى رۋسلان دالەنوۆ كىردى.

ديرەكتورلار كەڭەسىنىڭ قۇرامىنان ب. ساعىنتايەۆ، ت. سۇلەيمەنوۆ شىعارىلدى.

6 ناۋرىزدا مەملەكەت باسشىسىنىڭ وكىمىمەن جانات مۇرات ۇلى قوجاحمەتوۆ قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ جاۋاپتى حاتشىسى بولىپ تاعايىندالدى.

ول 1979 جىلى 17 ساۋىردە دۇنيەگە كەلگەن. ە.ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن، زاڭگەر-حالىقارالىق ساياسات بىلگىرى ماماندىعى بويىنشا بىتىرگەن. 2001-2002 جىلدارى - قازاقستان رەسپۋبليكاسى قارجى مينيسترلىگى قارجى باقىلاۋ كوميتەتىنىڭ باس مامانى. 2002 - 2004 جىلدار ارالىعىندا - قازاقستان رەسپۋبليكاسى پرەزيدەنتى اكىمشىلىگىنىڭ جۇيەلى زەرتتەۋلەر ورتالىعىنىڭ ساراپشىسى، اعا ساراپشىسى. 2004 - 2005 جىلدار ارالىعىندا - «ينجينيرينگ جانە تەحنولوگيالار ترانسفەرتi ورتالىعى» اق پرەزيدەنتىنىڭ كەڭەسشىسى. 2008 - 2010 جىلدار ارالىعىندا - ق ر باسەكەلەستىكتى قورعاۋ اگەنتتىگى ءتوراعاسىنىڭ ورىنباسارى. 2010 - 2014 جىلدار ارالىعىندا - مەملەكەتتىك ينسپەكتور، قازاقستان رەسپۋبليكاسى پرەزيدەنتىنىڭ اكىمشىلىگى مەملەكەتتىك باقىلاۋ جانە اۋماقتىق ۇيىمداستىرۋ جۇمىسى ءبولىمى مەڭگەرۋشىسىنىڭ ورىنباسارى. ق ر تۇتىنۋشىلاردى قورعاۋ اگەنتتىگىنىڭ جاۋاپتى حاتشىسى، «نۇر وتان» پارتياسى ءتوراعاسىنىڭ ءبىرىنشى ورىنباسارىنىڭ كەڭەسشىسى، «نۇر وتان» ورتالىق اپپاراتىنىڭ باسشىسى لاۋازىمىن اتقارعان. 2016 جىلعى 17 مامىردا قازاقستان رەسپۋبليكاسى اقپارات جانە كوممۋنيكاسيالار مينيسترلىگىنىڭ جاۋاپتى حاتشىسى بولىپ تاعايىندالعان.

سونىمەن بىرگە بۇل اپتادا ەكى ءمينيستردىڭ ورىنباسارى ءوز قىزمەتتەرىنەن بوساتىلدى -تيمۋر تولەگەن ۇلى شايمەرگەنوۆ قازاقستان رەسپۋبليكاسىنىڭ قورعانىس جانە اەروعارىش ونەركاسىبىنىڭ ۆيسە-مينيسترى قىزمەتىنەن؛ جۇماعۇلوۆ ايباتىر نىشانباي ۇلى - قازاقستان رەسپۋبليكاسىنىڭ ۇلتتىق ەكونوميكا ۆيسە-مينيسترى قىزمەتىنەن بوساتىلدى.

ايباتىر جۇماعۇلوۆ «مىندەتتى الەۋمەتتىك مەديسينالىق ساقتاندىرۋ قورى» كوممەرسيالىق ەمەس اكسيونەرلىك قوعامىنىڭ باسقارما ءتوراعاسى بولىپ تاعايىندالدى.

ول ءار جىلدارى ق ر يندۋستريا جانە تەحنولوگيالار مينيسترلىگىندە، «بايتەرەك» ۇلتتىق باسقارۋ حولدينگى» اق-دا ەڭبەك ەتتى. «Baur Kazakhstan» كومپانيالار توبىنىڭ ديرەكتورلار كەڭەسىنىڭ مۇشەسى، «تۇرعىن ءۇي قۇرىلىس جيناق بانكى» اق باسقارما ءتوراعاسى بولدى. 2017 جىلدىڭ قاڭتارىنان باستاپ ۇلتتىق ەكونوميكا ۆيسە-مينيسترى قىزمەتىن اتقاردى.  

5 ناۋرىزدا جوعارعى سوتتىڭ بۇرىنعى باسپا ءسوز حاتشىسى بولات كاليانبەكوۆ «الماتى» تەلەارناسىنىڭ باس ديرەكتورى بولىپ تاعايىندالدى.

بولات كاليانبەكوۆ 1979 جىلى تۋعان. ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «ساياساتتانۋ» جانە قازتۇتىنۋشىلاروداعى قاراعاندى مەملەكەتتىك ۋنيۆەرسيتەتىنىڭ «قۇقىقتانۋ: ەكونوميكا سالاسىنداعى قۇقىقتىق رەتتەۋ» ماماندىعى بويىنشا ءتامامداعان. مادەنيەت جانە اقپارات مينيسترلىگىندە ءار جىلدارى قاتارداعى مامان، ءبولىم باسشىسى، باسقارما باسشىسى، سونداي-اق، اقپارات جانە ارحيۆتەر كوميتەتىنىڭ ءتوراعاسى قىزمەتتەرىن اتقارعان. پرەزيدەنت اكىمشىلىگى ىشكى ساياسات ءبولىمىنىڭ اقپاراتتىق سالا سەكتورىنىڭ ينسپەكتورى ءارى جەتەكشىسى بولدى. قاراعاندى قالاسىنىڭ ىشكى ساياسات دەپارتامەنتىندە جانە اقپارات باسقارماسىندا ەڭبەك ەتكەن. قاراعاندى وبلىسىنىڭ ساران قالاسى اكىمدىگىندە جاستار ساياساتى ماسەلەسىمەن اينالىسقان.

«الماتى» تەلەارناسىنىڭ باس ديرەكتورى قىزمەتىن اتقارىپ كەلگەن الىبەك الدەنەي باسقا جۇمىسقا اۋىستى.    

4 ناۋرىزدا پاۆلودار وبلىسىنىڭ توتەنشە جاعدايلار دەپارتامەنتىنە جاڭا باسشى بولىپ ەرنۇر وتەگەنوۆ تاعايىندالدى.

بۇعان دەيىن ە. وتەگەنوۆ اقتوبە وبلىستىق توتەنشە جاعدايلار دەپارتامەنتى باسشىسىنىڭ ورىنباسارى لاۋازىمىندا بولعان. ول 1978 جىلى 23 ماۋسىمدا باتىس قازاقستان وبلىسى فۋرمانوۆ اۋدانى تالدىاپان اۋىلىندا دۇنيەگە كەلگەن. 1998 جىلى قازاقستان رەسپۋبليكاسى ءىىم الماتى جوعارى تەحنيكالىق ۋچيليششەسىن «ءورت قاۋىپسىزدىگى» ماماندىعى بويىنشا بىتىرگەن. 2001 جىلى كوكشەتاۋ تەحنيكالىق ينستيتۋتىن «ءورت قاۋىپسىزدىگى» ماماندىعى بويىنشا اياقتاعان. ەڭبەك جولىن 1998 جىلى باتىس قازاقستان وبلىسى جالپاقتال اۋدانى №15 ءورت ءسوندىرۋ ءبولىمى ءورتتىڭ الدىن الۋ توبىنىڭ ينسپەكتورى قىزمەتىنەن باستاعان. 2002-2006 جىلدارى - باتىس قازاقستان وبلىسى مەملەكەتتىك ورتكە قارسى قىزمەت باسقارماسى 1ء-شى جاساعىنىڭ انىقتاۋ توبىنىڭ انىقتاۋشىسى، باتىس قازاقستان وبلىسى مەملەكەتتىك ورتكە قارسى قىزمەت باسقارماسى مەملەكەتتىك ءورت قاداعالاۋ ءبولىمىنىڭ اعا ينجەنەرى بولعان.  2006-2012 جىلدارى ارالىعىندا باتىس قازاقستان وبلىسى ورتكە قارسى قىزمەت دەپارتامەنتىندە ءارتۇرلى باسشىلىق لاۋازىمداردا قىزمەت اتقارعان. 2012-2014 جىلدارى - توتەنشە جاعدايلار مينيسترلىگى اقتوبە وبلىسى توتەنشە جاعدايلار دەپارتامەنتى باستىعىنىڭ ورىنباسارى، 2014 جىلعى قازان ايىنان باستاپ وسى كۇنگە دەيىن اقتوبە وبلىسى تج دەپارتامەنتى باستىعىنىڭ ورىنباسارى قىزمەتىن اتقاردى.  

ۇسىنعان: ماقپال سەمباي