ورالدا 2 اپتا بۇرىن جوعالىپ كەتكەن 16 جاستاعى ءجاسوسپىرىم تابىلدى دەپ جازادى Qamshy.kz اقپارات اگەنتتىگى. پوليسيا قىزمەتكەرلەرى ءجاسوسپىرىمدى 8-ناۋرىزدا دوستارىنىڭ ۇيىنەن تاپقان. 

"8-ناۋرىزدا ساعات 18:00-گە تامان ۇلىمدى پوليسيا قىزمەتكەرلەرى تاپتى. ۇلىم ءدىن امان. ول زاچاگانداعى دوستارىنىڭ ۇيىندە بولىپتى. مۇمكىن ول ءوزىن ەرەسەك رەتىندە سەزىنگەن شىعار، بىزگە ەسكەرتپەگەن. ءبىزدىڭ ارامىزدا ۇرىس-كەرىس بولمادى. نە سەبەپتى ۇيدەن كەتىپ قالعانىن سۇراعان ەدىم، ۇندەمەدى. بۇل جاعداي تاعى دا قايتالانباس ءۇشىن مەن بالامدى پسيحولوگقا اپارامىن. ىزدەستىرۋ جۇمىستارىنا اتسالىسقان ادامدارعا جانە پوليسيا قىزمەتكەرلەرىنە العىس ايتامىن"، - دەيدى 16 جاستاعى ءجاسوسپىرىمنىڭ اناسى. 

ەسكە سالا كەتەيىك، 24 اقپان كۇنى ميحايل مارچەنكو ۇيىنەن شىعىپ، قايتا ورالماعان. ءجاسوسپىرىمنىڭ اناسى ۇلىنىڭ جوعالعانىن الەۋمەتتىك جەلىگە جازىپ، قۇقىق قورعاۋ ورگاندارىنا حابارلاعان.  

ۇسىنعان: اسەل بولات قىزى