ريددەر قالاسىنداعى زورلىق كورگەن قىزدىڭ اناسى قىلمىسكەردى باس بوستاندىعىنان ايىرماۋدى سۇرادى دەپ جازادى Qamshy.kz اقپارات اگەنتتىگى tengrinews.kz سايتىنىڭ دەرەگىن نەگىزگە الىپ. انانىڭ بۇل شەشىمى سوت پەن سوتقا قاتىسۋشىلاردى تاڭعالدىرماي قويمادى. بۇل تۋرالى وبلىستىق سوتتىڭ قىلمىستىق ىستەر جونىندەگى سوت القاسىنىڭ ءتوراعاسى قايرات چاكپانتايەۆ حابارلادى. 

ايىپتالۋشىعا حيميالىق كاستراسيا جاسالىپ، 15 جىلعا باس بوستاندىعىنان ايىرۋ جازاسى تاعايىندالعان. قىلمىسكەر قىزدىڭ اكەسى بولىپ شىقتى. تەرگەۋ جۇمىستارىنىڭ ناتيجەسىندە قىزدىڭ بىرنەشە رەت زورلانعانى انىقتالدى. سونداي-اق، قىز قاتتى قورقىپ قالعان. سول سەبەپتى وقيعانىڭ ءمان-جايىن ءبىراز ۋاقىت وتكەننەن كەيىن ايتىپ بەرىپتى.

"قىلمىسكەردىڭ كىناسى تولىق دالەلدەندى. قىلمىستىق ءىس جابىق تۇردە وتكەندىكتەن ءبىز بارلىق اقپاراتتى ايتا المايمىز"، -  دەدى  چاكپانتايەۆ. 

الايدا العاشىندا پوليسياعا ارىزدانعان قىزدىڭ اناسى سوتتىڭ قاتال شەشىم شىعارعانىن ايتىپتى. 

"اناسى سوتتان قىلمىسكەردىڭ جازاسىن جەڭىلدەتۋدى، سوتتاماۋدى سۇرادى. ءبىز تاڭعالدىق. مۇنداي وقيعا ەكىنشى رەت قايتالانىپ تۇر. زورلىق كورگەن قىزدىڭ اناسى "ولار وتەماقىسىن تولەدى، ەندى بوساتىڭىزدار"، دەيدى. بۇل تۋعان قىزىن اقشاعا ايىرباستاۋ عوي. ءبىراق سوتتىڭ شەشىمى ءوز كۇشىندە قالادى"، دەدى سوت القاسىنىڭ ءتوراعاسى. 

اۋدارعان: اسەل بولات قىزى