قازاقستاندىق ءانشى ديماش قۇدايبەرگەن امەريكالىق The World's Best شوۋىنان كەتتى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

ديماش قۇدايبەرگەن شوۋدا Adagio كومپوزيسياسىن ورىنداعان بولاتىن. ءانشى وسى ءاندى ورىنداعان سوڭ مالىمدەمە جاساپ، سۋديالاردى تاڭعالدىردى. ديماش قۇدايبەرگەن شوۋعا قاتىسۋدان باس تارتىپ، قازىلار القاسىنان ونى ءتۇسىنۋىن سۇراعان.

ءانشىنىڭ ايتۋىنشا، ول بۇل شوۋدا بالالارمەن جارىسقىسى كەلمەيدى.

وسىلايشا، ەندى وسى بايقاۋدىڭ فينالىنا قازاقستاندىق دانەليا تولەشوۆا مەن ءۇندىستاننان كەلگەن ليديان نادحاسۆارام قاتىسادى.

The World's ۆest - CBS ارناسىنداعى تالانتتى ادامدار تۋرالى تەلەباعدارلاما. تورەشىلەر اراسىندا تانىمال اكتريسا دريۋ بەرريمور، ءانشى فەيت حيلل جانە اكتەر رۋ پول بار، سونداي - اق، جۇرگىزۋشى - بريتاندىق كۇلدىرگى دجەيمس كوردەن. سوڭعى شەشىمدى ءۇش باس تورەشى مەن الەمنىڭ تۇكپىر-تۇكپىرىنەن كەلگەن 50 ساراپشى قابىلدايدى.

ۇسىنعان: ماقپال سەمباي