قازاقستاننىڭ تۋماسى امەريكالىق باق-تى تاڭعالدىردى دەپ جازادى Qamshy.kz اقپارات اگەنتتىگى usa.one سايتىنىڭ دەرەگىن نەگىزگە الىپ. 45 جاستاعى تيموفەي يۋريەۆ ءقازىر نيۋ-يورك شتاتىنىڭ تۇرعىنى. ول ايەلىمەن بىرگە يرۆينگتونسك سۋ قويماسىنىڭ ماڭىندا ءجيى سەرۋەندەيدى ەكەن. سونداي كۇندەردىڭ بىرىندە امەريكالىق باق-تىڭ جۇلدىزىنا اينالدى.

كۇن ءالى جىلىنا قويماعاندىقتان سۋ قويماسىن جۇقا مۇز باسقان. ءبىر كەزدە ول مۇزدىڭ ۇستىندە جۇرگەن 2 ءيتتى كورەدى. ءيتتىڭ يەسى جاقىن ماڭدا ءجۇر ەكەن. ول ءوزىنىڭ يتتەرىن شاقىرعان كەزدە، مۇز شىتىناپ، يتتەر سۋعا باتىپ كەتەدى. يتتەر بارىنشا تىرىسقانىمەن، جاعاعا ءوز بەتىمەن شىعا المادى.

تيموفەي ويلانباستان سىرت كيىمىن شەشىپ، يتتەردى قۇتقارۋعا بەكىنەدى. ول يتتەردى قۇتقارىپ، جاعاعا الىپ شىعادى. ال ونىڭ ايەلى مەليسسا بولعان جايتتى ۆيدەوعا تۇسىرەدى. 

تيموفەي بولسا بۇل ارەكەتىن "قۇتقارۋشىلار كەلگەنشە يتتەر ءولىپ قالار ەدى"، - دەپ ءتۇسىندىردى. ونىڭ ايتۋىنشا، امەريكالىق ايەل يتتەرىنىڭ امان-ساۋ ەكەنىن كورگەندە قۋانىشتان جىلاپ جىبەرگەن. 

تيموفەي يۋريەۆ قازاقستاندا دۇنيەگە كەلگەن. ءبىراق بالالىق شاعى سىبىردە ءوتىپتى. سونداي-اق ول جۇزۋمەن اينالىسادى ەكەن. 

اۋدارعان: اسەل بولات قىزى