ءمايىتحانا قىزمەتكەرى  اۋرۋحانالاردا دارىگەرلەردىڭ نەلىكتەن ناۋقاستانعان ادامداردى قۇتقارىپ قالۋعا تىرىسپايتىنىن ايتىپ بەردى. وعان ادامدار اقشا بەرىپ اۋزىن جاپپاقشى بولعان بولعان، ءتىپتى جاق اشىپ بۇل جايىندا بىرەۋگە ايتاتىن بولسا جۇمىستان قۋىلاتىندىعىن ايتىپ قورقىتقان. بۇگىن ول ءمان-جايدى اشىق بايانداماقشى دەپ حابارلايدى Qamshy.kz اقپارات اگەنتتىگى رەسەيلىك باق-قا سىلتەمە جاساي وتىرىپ.

— ءسىز ءمايىتحانادا قاشاننان بەرى جۇمىس ىستەيسىز؟

ءمايىتحانا قىزمەتكەرى ولەگ ۆورونوۆ: –مەن ۋنيۆەرسيتەتتەن كەيىن اسپيرانتۋرادا وقىدىم. ۋنيۆەرسيتەت كافەدراسىندا جەتى جىل جۇمىس ىستەدىم. سودان كەيىن بۇل جۇمىستىڭ مەنىكى ەمەستىگىن ءتۇسىندىم. كافەدراداعى جۇمىستان شىققان سوڭ ماماندىعىم بويىنشا ينتەرنەتتەن جۇمىس ىزدەپ، لايىقتى دەگەن ورىندارعا تۇيىندەمەمدى جىبەرە باستادىم. ءبىر كۇنى مەنى جۇمىسقا قابىلداۋ ءۇشىن كەزدەسۋگە شاقىردى جانە جۇمىسقا بىردەن قابىلدادى. سول كەزدەن باستاپ  ءمايىتحانالاردىڭ بىرىندە جۇمىس ىستەي باستادىم. ول جەردە ادەتتە قىزمەتكەرلەر جەتىسپەيدى ەكەن. سوندىقتان ديپلومى بار قىزمەتكەرلەردى ىزدەمەيدى. 

مەن جۇمىس ىستەگەن ءمايىتحانادا تەك 2 دارىگەر مەن بىرنەشە مەدبيكە بولدى. وسى دارىگەرلەردىڭ ءبىرى ءمايىتحانانىڭ باسشىسى، ەكىنشىسى مەن ءوزىم بولدىم. نەگىزىندە بۇل جەردە كەم دەگەندە 4 دارىگەر جۇمىس ىستەۋى كەرەك.

— ءسىز ءمايىتحانادا نەمەن اينالىستىڭىز؟

ءمايىتحانا قىزمەتكەرى ولەگ ۆورونوۆ: –ءمايىتتى  تولىق تەكسەرىستەن وتكىزۋىمىز كەرەك. سونداي-اق ۇستىنە كيگەن كيىمى  مەن ىشكى ورگانداردى تالداپ، قايتىس بولۋ سەبەپتەرىن انىقتايمىز. نە سەبەپتى قايتىس بولعاندىعىن انىقتاپ،  قورتىندىنى  ستاتيستيكاعا ەنگىزۋىم كەرەك. دەگەنمەن،  بارلىعى تەك قاعاز جۇزىندە عانا كەرەمەت بولاتىن. مەن العاشقى جۇمىس كۇندەرى بۇل جەردەگى شيكىلىكتەردى بايقاي باستادىم. ءمايىتتى تۇگەل تەكسەرىستەن وتكىزبەيدى. مايىتكە تەك  تۋىسقاندارىنىڭ ءوتىنىشى بويىنشا تولىق تەكسەرىس جۇرگىزىلەدى. سونداي-اق ونى باس دارىگەردىڭ ءوزى تەكسەرەدى. مەنى تەكسەرىس جۇرگىزىلىپ جاتقان بولمەگە كىرگىزبەيتىن. نەگىزىندە ەرەجە بويىنشا ءبىز قايتىس بولۋ سەبەبىن انىقتاۋ ءۇشىن ءار ورگاندى تەكسەرۋگە مىندەتتىمىز. الايدا،  ءمايىتحاناعا اكەلىنگەن دەنەنى ەشكىم اشىپ تا كورمەيتىن. مەن تەك ءمايىتحانا باسشىسى بەرگەن ساراپتامانى راستاپ، قاجەتتى قۇجاتتارعا قول قويدىم. 

— ولاردىڭ مۇنداي ارەكەتكە بارۋىنا نە سەبەپ بولدى، الدە بۇل سۇراق ءسىزدى قىزىقتىرمادى ما؟

ءمايىتحانا قىزمەتكەرى ولەگ ۆورونوۆ: –ارينە، قىزىقتىردى. ءبىراق، باس دارىگەر بارلىق ەلدە وسىلاي جاسايتىندىعىن ايتىپ قۇتىلدى. سونىمەن قاتار، ادامداردىڭ نەدەن قايتىس بولعانى دا ەشكىمدى قىزىقتىرعان جوق. ناۋقاس ءتىرى بولعان كۇننىڭ وزىندە ونى ەمدەۋگە ۋاقىتىن زايا كەتىرگىسى كەلمەيتىن. ناقتى ايتقاندا، ولار مەنەن مايىتكە مۇلدەم جولاماۋىمدى، ەشقانداي اقىماقتىققا بارماي، تەك قۇجاتتارمەن عانا اينالىسىپ وتىرۋىمدى تالاپ ەتتى. 

باستاپقىدا بارلىعى باس دارىگەردىڭ ايتقانىنداي بولۋ كەرەك دەپ ويلادىم. ءمايىتحانا باسشىسى بۇرىن وسى جەردە جاي دارىگەر بولىپ جۇمىس اتقارعان. ياعني ول مۇنداي سوراقىلىقتاردىڭ بارىن بۇرىننان بىلەتىن. مەن بىرنەشە جىل ۋنيۆەرسيتەتتە جۇمىس ىستەگەنىممەن، ءمايتحانانىڭ جۇمىسى تۋرالى   حابارىم بولمادى.

بارلىعى دا ءبىر كۇندە وزگەرىپ شىعا كەلدى. ءبىر كۇنى مەن ءمايىتحاناداعى دەنەلەردى تاسىمالداۋمەن اينالىساتىن بولدىم. تاڭەرتەڭ ءمايىتحاناعا ەر ادامنىڭ دەنەسىن اكەلىپ تاستادى. ءبىر كەزدە ءمايىتتىڭ دەنەسىندە  ءبىر نارسە قوزعالعانداي بولىپ كورىندى. باستاپقىدا ەسىمنەن اداسقان شىعارمىن دەپ ويلادىم. سودان كەيىن جاقىنداپ بارىپ قاراسام، ونىڭ قۇلاعىنان شامامەن 0،2 ميليمەتر كولەمىندەگى قۇرتتىڭ شىعىپ بارا جاتقاندىعىن ءوز كوزىممەن كوردىم. جارتى ساعاتتىق بوس ۋاقىتىم بولعاندىقتان، دەنەنى اشىپ كورۋگە قىزىقتىم. تاعى دا قۇرتتاردى تاپتىم. ونىڭ باس قۇرىلىسىن اشقان كەزدە مۇلدە ەسىمنەن تانا جازدادىم. ادامنىڭ باس سۇيەگىندەگى جۇزدەگەن قۇرتتاردى كورگەندەگى سەزىمىمدى ايتىپ جەتكىزە المايمىن. شوشىنعان كۇيى اشىلعان باس سۇيەككە بىرنەشە مينۋت قاراپ تۇردىم. ارى قاراي نە ىستەۋ كەرەكتىگىن دە بىلمەدىم. 

— سودان كەيىن نە ىستەدىڭىز؟

ءمايىتحانا قىزمەتكەرى ولەگ ۆورونوۆ: –ءتيىستى نۇسقاۋلىقتار بويىنشا جۇمىس ىستەي باستادىم. ءمايىتحاناعا اكەلگەن ادام دارىگەر تاعايىنداعان دياگنوز بويىنشا ەمەس، باستاعى قۇرتتاردىڭ اسەرىنەن ەكەنىن انىقتاپ، بىردەن اۋرۋحاناعا حابار بەردىم. كەلەسى كۇنى ماعان باس دارىگەرگە نەلىكتەن ءمايىتتىڭ دەنەسىن اشقانىمدى ءتۇسىندىرۋ كەرەك بولدى. ول دەنەنى اشىپ تەكسەرۋدىڭ قاجەتى جوق ەكەندىگىن ايتتى.

بىرنەشە كۇننەن كەيىن باس دارىگەر ەڭبەك دەمالىسىنا شىعىپ كەتتى، سودان كەيىن ونىڭ ورنىندا مەن قالدىم. سول كۇننەن باستاپ لايىقتى تۇردە جۇمىس ىستەۋگە شىنداپ كىرىستىم. ءمايىتحاناعا اكەلىنگەن ءاربىر ءمايىتتى اشىپ، تەكسەردىم. 

— باس دارىگەر تاعايىنداعان دياگنوزدىڭ قاتە بولىپ شىققان  جايتتار ءجيى كەزدەستى مە؟ 

ءمايىتحانا قىزمەتكەرى ولەگ ۆورونوۆ: –ءيا، ءتىپتى 95 پايىزى دەسەك تە بولادى. ءبىراق بۇل مەن بايقاعان ماسەلەنىڭ تەك بەر جاعى ەكەن. كەلەسى مايىتتەردىڭ دەنەسىن اشىپ قاراعاندا، ولاردىڭ بارلىعىنان دەرلىك  قۇرت سەكىلدى پارازيتتەردىڭ بار ەكەندىگى انىقتالدى. مۇنداي پارازيتتەر مايىتتەردىڭ بۇيرەگى مەن جۇرەك تۇستارىندا  دا بايقالدى. ءتىپتى ءبىر ءمايىتتىڭ باس سۇيەگىنەن 2 مىڭعا جۋىق قۇرت تابىلعان ەدى. وسى سۇمدىقتان كەيىن، ءتۇنى بويى كوز ىلمەي شىقتىم.

ءبىر كۇنى باس دارىگەر كەلىپ ۇستەلىمنىڭ ۇستىنە ءبىر پاكەت تاستاپ كەتتى. پاكەتتىڭ ىشىندە 4 ءتۇرلى تاتتىلەر جانە كونۆەرت بولدى. كونۆەرتتىڭ ىشىندە 50 مىڭ رۋبل بار ەكەن. بۇل مەنىڭ 4 اي جۇمىس ىستەپ تاباتىن اقشام. باس دارىگەردىڭ ءوزىنىڭ ايلىعىنان بولەك ءبىرشاما پايدا تاباتىنىن سول كەزدە ءتۇسىندىم.  

— ءسىز اقشانى الدىڭىز با؟

ءمايىتحانا قىزمەتكەرى ولەگ ۆورونوۆ: –ارينە، جوق. زاڭسىز ىسپەن ۇزاققا بارمايتىنىمدى مەن باسىنان-اق ءبىلدىم. سوندىقتان، ەرتەسىنە دارىگەرگە كونۆەرتتى  قايتارىپ بەردىم. سەبەبى، قانشاما ادام وسى دارىگەرلەردىڭ سالعىرتتىعىنىڭ كەسىرىنەن زارداپ شەگۋدە. بىرنەشە رەت ارىزدانعانىممەن ەشتەڭە شىقپادى.  كەيىن جاي عانا جۇمىس ورنىن اۋىستىردىم.

اۋدارعان: فاريزا جومارت قىزى